BOLOGNINI SERAFINO

 

 

 

Bolognini Fr. Seraphinus, Bononiensis, S. Theol. Mag. an. 1551 erat magister studii in nostro conventu Neapolitano ad S. Agustinum et an. 1559 in comitiis generalibus, Venetiis celebratis, renuntiatus est Provinciae Romandiolae moderator. Illic, iuxta Ossinger, p. 137 omnibus non solum moralibus virtutibus, sed scientiis maioribus, praecipue arte oratoria ita effulsit, ut a quamplurimis Italiae urbibus illum audire cupientibus, postularetur. Anno 1564 ei gubernium concreditum fuit patrii monasterii, et paulo post coenobii Romani quo in munere mortuus est. Asservatur in Biblioth. Angelica Oratio de laudibus Theologiae per Rev. S. Theologiae doctorem fr. Seraphinum Bologninum Bononiensiem Ord. Erem. S. Aug. in ecclesia cathedrali in die Sancti Hieronymi habita. Bononiae, Peregrinus Bonardus excudebat.

(In fine) [M]DLXI. 

 

 

 

Referenze:

Cfr. etiam Torelli, Vol. VI, p. 702, n. 35