BONERBA RAPHAEL

 

 

 

Bonerba Fr. Raphael, Argyrensis, vel, ut recenti nomine dicitur, de S. Philippo Argyrensi, circa annum 1616 Augustinianam tunicam induit. Studiorum curricula Panormi, Mediolani, Senis atque Bononiae, ab an. 1618 ad an. 1624 summa cum laude perfecit. Hoc postremo anno renuntiatus Bononiae Lector atque Studentium magister, impense docuit sub directione Magistri Coelestini Bruni Venusini; atque inde Baccalaureus, Studiorum Regens, et tandem die 1 ianuarii 1633 dum Mediolani legeret, creatus fuit S. Theologiae Magister. Redivit postea Panormum ubi diu, uti Magister Regens, in S. Augustini coenobio philosophiam ac scholasticam theologiam sodalibus suis tradidit. Concionatoris, eruditione et eloquentia clari, laudes promeruit. Ceu suae Prov. Definitor Generalis interfuit Capitulo Generali Romae an. 1636 celebrato, in quo et S. Monicae Laudes praedicando contexuit et conclusiones philosophicas atque theologicas publice sostinuit. Adfuit et aliis Capitulis Generalibus etiam Romae celebratis. Siculam Provinciam an. 1648 et sequentibus etiam rexit non sine prudentiae lande. Ioanni Lozano Archiepiscopo Panormitano gratissimus extitit, eiusque theologus et examinator fuit. Tandem in patriam suam secessit, ubi senex anno aetatis suae 81 decessit die 5 aprilis 1681. Edidit opera sequentia:

1. Inter Sanctum Thomam et Scotum Metaphysicalis Aegidiana concordia. Panormi apud Decium Cyrillum, 1643 in 4°. Opus R.mo P. Hippolyto Montio est nuncupatum.

2. Aegidianum propugnaculum philosophicum Divi Thomae et Scoti. Panormi, 1661, vol. 2, in 4.

3. Totius naturalis philosophiae Disputationes in duplici parte per quatuor tractatus distributae. Pars prima de octo Physicorum libris et de coelo et mundo, in quibus omnes Philosophiae inter D. Thomam et Scotum controversiae principales ita cum doctrina Eremitarum luminis Cardinalis Aegidii illustrantur, ut nec Angelici possint Scotico iudicio non acquiescere, nec Subtiles Angelicam sententiam non approbare; possint vero Neutrales utrorumque Magistrorum controversias sine ulla controversia sustinere. Authore R. P. Fr. Raphaele Bonherba S. Theol. Magistro, Ord. Erem. S. Aug. et in Provincia Siciliae, atque Melitae olim Provinciale, nunc vero in Panormi Conventu Priore, ad Ill.mum Marchionem Villae Albae D. Benedictum Emmanuelem, cum tribus indicibus, altero quaestionum et Dubitationum, altero Controversiarum, et fundamentalium Distinctionum, et tertio Rerum Nataralium. Panormi, apud Iosephum Bisogni, 1661, et ibidem typis Augustini Bossii, 1671 in 4.

4. Totius naturalis philosophiae Disputationes. Pars secunda, in qua omnes de generatione et corruptione, atque de anima inter D. Thomam et Scotum Controversiae principales cum doctrina Card. Aegidii illustrantur. Panormi, typis Augustini Bossii, 1671, in 4.

5. Viridarium in plures partes divisum, in quibus per plura quodlibeta tota florescit Theologia moralis. Ibidem per eundem an. 1671, in 4°. Pars secunda Viridiarii, quinque quodlibetis edita fuit ibidem apud Carolum Adamum, 1674, in 4. Deest Pars tertia de jure et justitia, quam praelo paraverat, sed non fuit edita.

6. Sacri Problemi sopra l'Evangelii di Quaresima resoluti, e disposti in forma predicabile. Parte Ia edita: in Palermo coi tipi di Antonio Bossi, 1661 et 1671 in 4. Parte 2a edita ibidem apud eundem an. 1667 in 4°, et latine sub hoc titulo:

7. Sacrorum problematum in evangelia docta methodo resolutorum, partes duae, Moguntiae, 1670 in 4°.

 

 

 

Referenze:

Ant. Mongitore, Bibliotheca Sicula, Vol. II, p. 196; Mazzuchelli, Scrittori d'Italia, Vol. II, p. 1595; Ossinger, Bibliotheca August. p. 140; Lanteri, Postr. Saec. Sex Rel. Aug., Vol. III, p. 108 ; Hurter, Nomenclator Litt., T. II, p. 582, et alios