BOTTO IACOBUS

 

 

 

Botto Fr. Iacobus, Congregationis Genuensis alumnus, atque cum P. Augustino Delfino eiusdem recessus incolatu, et paris sanctitatis professione coniunctus fuit. Ad virtutum suarum praemium evolavit anno 1822. Iacet in S. Mariae de Consolatione templo cum sequenti epitaphio: "R. P. Iacobo Botto eminenti virtutum laude notissimo, omnibus carissimo, vitae suae anno 67 defuncto, mesta fratrum pietas dicavit die 2 aprilis 1822". Reliquit manuscriptam paraphrasim officii B. Mariae Virginis, quam typis tradidit Interamnae an. 1833 noster eximius concionator P. Mag. Augustinus Barbieri, qui fuit Generalis Ordinis Assistens. Ita Lanteni, Postr. Saec. Sex, T. III, p. 222 ex relatione ipsi allata a nostrate P. Mag. Augustino Vesco, Parocho S. Mariae Consolationis Genuae.