de BRACHIANO NICOLA

 

 

 

Brachiano (de) Fr. Nicolaus, S. Theol. Mag., an. 1479 locatus fuit in nostro studio Perusino, ac paulo post fit inibi Lector, et an. 1487 iam erat Baccalaureus. De familia inde constituitur in conventu Senensi, sed aer Senensis cum esset illi gravis, mittitur Romam pro-baccalaureus. Sub die 23 novembris 1489 illi facultatem conceditur insignia magistralia in Universitate Perusina suscipiendi, dieque 16 decembris coram Pontifice et Cardinalibus, pro nostri Ordinis Procuratore Gen. absente, ipse sermonem habuit, et eius sermo (ut ait Io. Burckardus, Liber Notarum, Città di Castello, 1911, T. II, p. 119) fuit optimus omnibusque gratissimus. Die 3 oct. 1490 Pisas missus fuit ut esset inibi magister senior cum gratiis ibidem consuetis magistris senioribus. Anno 1491 repenitur in Conventu Florentino; an. 1500 Provinciam Romanam regebat, et an. 1509 inauguratus fuit Episcopus titularis Suffr. Episcopi Parmensis. Illius extat: Oratione divota recitata ne 1'adorazione de crocifixo al venerdì santo dal Reverendo maestro Nicolo de Braxano de l'ordine di frati Eremitani de sancto Augustino predicando in S. Iacomo de Bologna MCCCCLXXXX s. 1. a. et typ. n.; ch. rom., 4. ff. (Bononiae, Benedictus Hectoris). Haim, Repertorium cit. n. 3765.

 

 

 

Referenze:

Elssium, p. 505; Herrera, T. II, p. 188; Burckardum, l. c. in nota, et Ordinis Regesta, Dd. 7, f. 174v et Dd. 8, f. 172, 173, 174v