Cacciatore Eustachio

 

 

 

Cacciatore Fr. Eustachius, alias a S. Ubaldo, Mediolanensis, ex nobili familia oriundus, in Baptismate Alexander vocatus, in coenobio romano Iesu et Mariae habitum induit anno 1639; sed postea ad conficiendum ex regulae legibus tyrocinium, Mediolanum missus fuit, ibique post annum solemnia in Discalceatorum Augustiniensium Congregatione emisit vota, et studiis addictus, insignis verbi Dei evasit praeco; ob suas conciones, et panegyricas orationes tum Romae, tum Mediolani, tum denique in omnibus fere Lombardiae civitatibus habitas, ab episcopis vel primioribus conquisitus, tam seipsum quam Ordinem suum maxime cornmendavit. Romae, Mediolani ac Genuae Theologiam docuit. Fuit Consultor S. Officii, Provincialis, et Vicarii Generalis a Secretis. Obiit Romae anno 1700. Opera ab ipso relicta haec sunt:

1. Discorsi Sacri, Roma, Tipografia Moneta, 1665, Vol. 2, in 8.

2. Sacri trattenimenti per i popoli devoti in alcuni giorni festivi, cioè, Discorsi sacri. Milano, per Vigone, sine anno.

3. Quodlibeta regularia ad Patres Excalceatos praecipue spectantia. Mediolani, 1661, in fol. In hoc opere non tantum dubia moralia ac canonica tractavit, sed etiam de vero monachatu S. P. Augustini contra Nicolaum Desnos et Franciscum Macedo egit. Item repellit objectiones Ludovici Tomassini de nova et vetere Ecclesiae disciplina. Haec Quodlibeta fuerunt item recusa Mediolani 1691 apud Malatestani in fol.

4. De Dei benedictione. Mediolani, 1696. apud Malatestam (opus eruditum).

5. De praecipuis juribus et iustitiae partibus, scilicet de restitutione et contractibus. Mediolani, 1681, in 4.

6. De Metropoli Mediolanensi. Mediolani, 1699, apud Malatestam in 4. cum erudita praefactione L. A. Muratori.

7. Commentariolum, seu selectiora Patrum Excalceatorum de vocali Dei cultu statuta, et observationes variae morales, asceticae, rituales. Accedunt disquisitiones de hymmo " Te Deum laudamus ,, quis auctor fuerit, et de canta a D. Ambrosio in Mediolanensem Ecclesiam introducto. Mediolani, 1695, in 4.

8. Conciones variae, Ms.

9. Cursus Philosophiae, Ms.

10. De electionibus Pontificum, ms. Haec mss. asservabantur Mediolani in Bibl. SS. Cosmae et Damiani. 

 

 

 

Referenze:

Tani, Commentaria cit. p. 88 - 89, Ossinger p. 916, Hurter, Nomenc. Lit. T. IV, col. 544; Lanteri, Postr. Saec. Sex, T. III. p. 417; Argelati, in Bibliotheca Scriptorum Mediol., Part. II. T. I. col. 254, et Lopez, addit. ad Cruseni Monast., p. 163