CALUSCHI TADDEO

 

 

 

Caluschi Fr. Thaddaeus, Mediolanensis, S. Theol. Mag., natales habuit ex honestissimis parentibus, a quibus optimae educatus Religioni Eremitanae S. Augustini se vovit cuius habitum sumpsit in patrio S. Marci conventu. Ibi pietati, et studiis deditus, post cursus philosophicos, atque theologicos optime exaratos cathedram in iisdem facultatibus ex decreto suorum ascendit, et munere ipso egregie adimpleto Regens ac Magister efficitur. Deinde verbum Dei tam docte, tam feliciter, praesertim Arimini an. 1696, disseminavit, ut concionatoris eximii nomen in tota fere Italia obtinere meruerit. Uno verbo, tam probe Thaddaeus noster semper se gessit, ut in comitiis generalibus suae religionis an. 1699 habitis in secretarium generalem totius Ordinis electus fuerit. In eodem officio perstitit usquequo morbi causa ad patriam ex medicorum consilio redire coactus fuerit, ut aeris beneficio in pristinam sanitatem se restitueret. Tot praeclaris dotibus excultus, illico nobilium doctissimorumque virorum animos sibi facile conciliavit, atque consultor S. Inquisitionis, librorumque revisor efficitur. Ipsum etiam tanti fecit E.mus. Card. Archintus Mediolani Archiep. magni nominis, ut examinatorem synodalem eum voluerit; sed nec ab istis, nec ab aliis curis detentus unquam studia reliquit usque ad suae vitae finem, qui fuit an. 1720, die 21 aprilis, aetatis suae 63. Quae ab illo exarata fuerunt haec sunt:

1. Varie notizie molto utili per facilitare l'intelligenza e lo studio della Sacra scrittura, con una Dissertazione sopra l'ultima Pasqua di Gesù Cristo, dedicata al Sig. Card. Giuseppe Archinti. Milano, per Agnelli, 1708, in 8. Idem opus, "edizione 4a arricchita di copiose aggiunte sin'ora inedite". In Venezia, 1758 presso Ant. Bassanese in 8.

2. Lettera ad un amico che contiene una risposta generale a tutte le ragioni, che furono addotte in difesa de' riti della Cina già condannate con pubblico decreto dalla Sede Apostolica. s. 1. a. et typ. n. in 8, pp. 60. In cod. A. 1122, in fol., ff. 18 Bibliothecae Archigymnasii Bononien. asservatur eiusdem Thaddaei: Lettera scritta a N. che in qualche modo può servire di risposta alle due scritture pubblicate da N. N. N. intorno alle cose presenti della Cina. Est ne eadem ac superior recensita?

3. Risposta alla critica sopra la suddetta lettera ad un amico intorno ai riti Cinesi. Similiter s. 1. o. et typ. nota.

4. Esame della religione protestante o sia pretesa riformata. Venezia per Giuseppe Corona, 1720 in 4. Hoc opus dicavit E.mo Card. Odescalco, Archiep. Mediolanen., et iterum reimpressum fuit Venetiis an 1750.

5. Dissertazione sopra la Maddalena, Ms. Extabat Mediolani in olim nostra Bibl. ad S. Marcum.

6. Dissertazione sopra le Sibille, Ms. ibidem.

7. Prediche, Ms. in fol. ibidem.

8. Panegirici, Ms. in fol. ibideni. 

 

 

 

Referenze:

Haec fere ad verbum ex Bibl. Script. Mediolanensium Philip. Argelati. T. I, part. 1, col. 264, ex Ossinger, p. 180, et ex Lanteri, Postr. Saec. Sex, T. III, p. 110