CAMPELLO AUGUSTINUS

 

 

 

Campello Fr. Augustinus de Leonissa, a nonnulis dictus de Gonessa, quod nomen indigitat idem oppidum. Claruit saec. XV ineunte tum divinarum tum humanarum disciplinarum peritia, fuitque S. Theol. Bacc. et Magister Biblicus. Quippe qui pro Apostolica Sede plures utiliter labores sustinuerat episcopali infula Ecclesiae Bovensis ab Eugenio IV an. 1435 die 14 febr. remuneratus fuit. Ast vix inauguratus Episcopus post initam per procuratorem episcopalis Sedis possessionem, cum Romae degens iter Bovam pararet, inopinata aegritudo omnem illi viam in Calabriam interclusit, pandens illi e contra aditum ad immortalitatis regionem, in quam Romae intravit eodem suae consecrationis anno 1435 die 25 augusti.

In templo S. P. Augustini humatus fuit cum hac inscriptione: "Hic iacet corpus R.mi in Christo Patris et / Domini Augustini de Gonessa, Ord. Heremitarum Episcopi Boven / qui obiit an. MCCCCXXXV die / XXV augusti cuius anima re / quiescat in pace". Eius extant: Sermones pulcherrimi super dominicam orationem Pater noster, et angelicam salutationem Ave Maria, unicuique ad populum volenti declamationes facere accommodati, editi per rev. patrem Augustinum de Leonissa ordinis Eremitarum illuminatissimi ecclesie doctoris et antistitis Hipponensis beati Augustini. S. nn. typ.; sed impressi in Alemannia prope finem saec XV in 8, ff. 99 charact. goth., II. 33. Editio rarissima. (Cfr. Copinger n. 3546 ex La Bibliofilia Vol. IV, p. 421); et latuit Gandolpho, pp. 71-72. A Toppio in sua Bibl. Neapol., 1778, p. 4 memorantur ex Biblioth. Mariana Hippoliti Maracci, f. 165 nostri Augustini Sermones XXVIII super salutationem Angelicam, Coloniae apud Martinum de Werdana, an. 1503 in 8. Romae in Bibl. Angelica habentur eiusdem Sermones super Dominicam Orationem et salutationem angelicam, Coloniae, Henr. Quentel, 1505, goth., ff. 92, Cl. 33, in 12 (Cfr. Panzer, T. VI, p. 356 n. 80. In cod. LIX Bibl. Laurentianae.

 

 

 

Referenze:

Bandini, T. I, col. 220) habetur eius quaedam Epistola missa de Basilea ad Cardinalem de Ursinis. (Cfr. Ossinger, Bibl. Aug., p. 188; Gratianum, in sua Anastasi, p. 42; Gesner, Bibliotheca Collecta, Tiguri, 1574, p. 77; Iacobilli, Catal. Script., p. 57; Lanteni, Postr. Saec. Sex, T. 1, p. 250, et in Eremi Sacrae, Part. I, p. 43