CANTALUPO AMBROSIUS

 

 

 

Cantalupo Fr. Ambrosius, Genuensis, Sacrae Theologiae Baccal. quammaxime commendatur morum integritate atque praeclara doctrina. Anno 1587 ut Vicarius Generalis suae Congregationis Ianuensis S. Mariae de Consolatione interfuit Capitulo Generali Romae celebrato, et ut Definitor alteri Capitulo Generali, etiam Romae an. 1592 celebrato, adstitit; iterumque Vicarius Generalis, an. 1602 Recinetensi Generali Capitulo intervenit. Pia in Deiparam Virginem devotione incensus, typis vulgavit tractatum, cui titulus: De admirabili prodigio Imaginis B. Virginis quae est in Ecclesia SS. Trinitatis Viterbi, Viterbii, Coladio, 1577.

 

 

 

Referenze:

Oldoinum, Athenaeum Ligustinum, 1680, p. 12; Ossinger, p. 198; Maracci in Bibl. Mariana, Vol. I, p. 63, et Lanteri, Postr. Saec. Sex, T. III, p. 121