CASACCA NAZARENUS

 

 

 

Casacca Fr. Nazarenus, S. Theol. Mag., primam aspexit lucem in oppido v. Gradoli die 2 aprilis 1867, habitumque Augustinianum suscepit Neapoli in coenobio S. Mariae a Bono Consilio die 15 iunii 1883, suam inibi emittens professionem, quae simplex vocabatur, post annum, et solemnem die 21 novembris 1883. Presbyter autem inauguratus fuit die 17 decembris 1892. Studiis cum laude absolutis, Lectoratus gradum obtinuit, sicut, eodem modo, Romae ad S. Apollinaris, de Superiorum licentia, doctoralem lauream in Iure Canonico, atque suo tempore in Ordine Regentis gradum. Facili et concinno eloquio praeditus, ac acre ingenium sortitus, in philosophica, theologica atque iuridica scientia clarus evasit, neque minus valuit in sugestu. In nostris collegiis Romae ac Statuum Foederatorum Americae septentrionalis ad S. Thomae a Villanova propre Philadelphiam laudabiliter nostros iuvenes per plures annos docuit, usque dum, in patriam reversus, S. Theol. Magister fuerit renuntiatus, et Ticinum ad S. Augustini missus. Fuit postea Bononiae de familia constitutus, et P. Aloysio Nicolao Pazzaglia illius coenobii priore demortuo, in illud prioris munus ipse Casacca sufficitur, quod retinuit usque ad mortem, quam oppetiit in patria apud suos, die 30 maii 1923, penes quos, salutis recuperandae causa, sese receperat. Plurium Cardinalium et Summi Pontificis Benedicti XV amicitia honestatus fuit, omniumque admirationem nactus est sive ob praepotens ingenium, sive ob in rebus agendis dexteritatem. Scripsit atque edididit:

1. De carentia ovariorum relate ad Matrimonium, New Jork, Wagner, 1903, in 8. Ast prima vice hoc opusculum editum fuit Philadelphiae, H. L. Kilner and co. s. a. et Papiae, Typ. Fusi.

2. Se il Papa possa eleggere il suo successore. Milano, Scuola Tip. ed. Artigianelli, 1904.

3. Il Codice Diplomatico degli Agostiniani di Pavia. Risposta alle osservazioni critiche di G. Romano. Pavia, Tip. Caio Rossetti, 1906.

4. Il Codice Diplomatico degli Agostiniani di Pavia, Risposta ad un critico del II Volume. Roma, Società Editrice Dante Alighieri, 1907.

5. Orazione Panegirica di Sant' Agostino Vescovo e Dottore, detta in San Giacomo Maggiore di Bologna. Bologna tip. Carignani, 1908.

6. Monsignor Guglielmo Pifferi dei Romitani di S. Agostino, Vescovo di Porfireone, Sagrista di Sua Santità. Roma, Tip. Vaticana, 1910.

7. Note bibliografiche di Cherubino Ghirardacci dell'Ordine Erem. di S. Agostino. Bologna, Tip. Luigi Parma, 1916, in 4.

8. Per le Note Biografiche di Cherubino Ghirardacci dell' Ord. Erem. di S. Agostino: Risposta al Prof. Albano Sorbelli. Bologna, Tip. L. Parma, 1916, in 4.

9. S. Aurelio Agostino "De utilitate Credendi" tradotto. Bologna, Tip. L. Parma, 1918, in 8.

10. S. Aurelio Agostino "De catechizandis Rudibus" tradotto. Bologna, Tip. L. Parma, 1918, in 8.

11. Il Papa e L'Italia, Bologna, L. Cappelli ed. 1919, in 8. Item, Seconda edizione ampliata, Roma, 1920, Casa editr. L. Buffetti, in 12. Item in Hispanicam linguam versum a nostrate P. Francisco Mier, Valladolid, Talleres tipogr. Cuesta, 1920. [Terza ediz. omessa].

12. Codex diplomaticus Ord. Er. S. Augustini Papiae ab eo editus una cum Rev.mo Domino Rodulpho Maiocchi S. Th. D. ab. an. MCCLVIII ad an. MCM, Papiae ex officina typographica C. Rossetti. Volumina quinque in fol. edita ab an. 1905 ad an. 1915.

 

 

 

Referenze:

Opus est istud magni valoris et quod, ut ait La Civiltà Cattolica: "fa veramente onore all'Italia".