de CASALI IOHANNES

 

 

 

de Casali Fr. D. Ioannes Ordinis Eremit. floruit an. 1384, et reliquit quoddam Opus, ut videtur, philosophicum in membrana et in fol. eo ipso anno conscriptum, atque incipiens: "Queritur utrum in moventibus". Asservabatur Venetiis in Bibl. SS. Io. et Pauli Ord. Praed. Plut. III a parte sinistra. (Cfr. I. Phil. Tomasini, Biblioth. Venetae privatae, Utini, 1639, p. 26. De illo loquuntur etiam Rossottus in Syllabo Script. Pedemontii, p. 322, atque Della Chiesa, Catologo de' Scritt. Piemontesi, p. 289. Sub die 1 ianuarii 1376 quidam Baldinus Gastus de loco Iuvenzani, Papiae consistens, suum condidit testamentum, quo "dedit et ligavit fratri Ioanni de Caxalli ordinis S. Augustini, eius confessori (in nostro coenobio Papiensi commoranti) florenos tres et soldos quatuor papienses, pro missis et divinis officiis celebrandis pro anima ipsius testatoris" (cfr. Maiocchi-Casacca, Codex cit. Vol. I. p. 127). Anno insequenti erat adhuc ibi de familia. Iste fr. Ioannes num est idem ac superior ?