C

 

 

 

de Cassia fr. Bartholomaeus, vir certe doctus et non parva eloquentia praeditus, floruit an. 1400 in nostro conventu Tarvisino. Sed cum esset animo incostanti, in prima sua vocatione non perseveravit; nam cum Gregorius XII eo tempore approbasset novum quoddam institutum a quibusdam nostris religiosis Senensibus inceptum, quod Canonicorum Regularium S. Salvatoris appellarunt, an. 1412 ad eos confugit, cum illis vixit, et mortuus est. Is itaque stando in conventu Tarvisino inter nostrates edidit sequens opus: Explicatio in Evangelia et asservatur Romae in Bibl. Angelica, Cod. 36 (A. 5. 11), saec. XV ineuntis, forsan authogr., in 4. minori, ff. 222, quae explicit: "Anno domini MCCCCX a die 2 mensis iunii usque ad diem XVII mensis iulii dum essem in conventu tarvisino scripsi. Ego frater Bartolomeus de Cassia. 

 

 

de Cassia Fr. Bartholomaeus (ADDITAMENTA, pag. 72) alter, nam eo, quem memoravimus in V. I, p. 210, hic videtur antiquior, scripsit: Tractatus obligationum, qui inc.: "[O]bligatio est ars mediante qua quis opponens potest ligare"; et expl.: "et sic finiuntur obligationes scripte per fratrem Bartholum de Cassia, ordinis fratrurn heremitarum Santi Augustini, studentem Arimini, anno d.ni M°CCC nonagesimo nono et die penultima mensis ianuarii. Deo gratias amen. Reperitur hic tractatus in cod. 1503 (R. 8. 7), in 4, saec. XIV exeuntis, inter ff. 36-39.

 

 

 

Referenze:

Torelli, Secoli Agostiniani, Tomo VI, p. 444; Mattioli, Antologia Agost., Vol. II, p. 53 et Narducci, Catalog. cit. p. 14