CHIESA IOANNES

 

 

 

Chiesa Fr. Ioannes Nicolaus, Ianuensis, Ord. Erem. S. Aug. venerabilis servus Dei, ex piis honestisque parentibus Bartholomaeo Chiesa et Theresia Zoppi die 25 aprilis 1695 natus, Collegio S. Hieronymi S. I. illius civitatis pro sua morum atque litterarum institutione a puero, inibi per septem annos commorans, in disciplinam traditus est. Sed, Deo sic disponente, inter nostrates Patres de Consolatione, Augustinianum habitum suscepit. Datis in tyrocinio conspicuis virtutum exemplis, a celebri P. Augustino Arpe, tunc illius Congregationis Vicario Generali, ad solemnem professionem admissus fuit, ac inde Mediolanum missus ut inibi philosophicis ac theologicis disciplinis incumberet et subinde Bononiam. Eo Regentem habuit P. Mag. Felicem Leoni, qui cum Neapoli destinatus fuisset secum voluit iuvenem Chiesa. Interim hic Genuae Presbyter efficitur, postea Neapolim versus navigat una cum celeberrimo nostrate P. Mag. Iac. Philippo Gatti, ac inibi appulsus vitam duriorem exercendam statuit. Quapropter nostrae Congregationi S. Ioannis ad Carbonariam nomen dedit, at in ea bibliothecarium, rnagistrum novitiorum et studiorum moderatorem egit. In ea fuit insuper Vicarius Generalis quater, ac animarum zelo exaestuans non magis verbo quam exemplo earum profectui ad mortem usque coluit. Castimonia, paupertate, et mirifica praecelluit oboedientia, atque vitae innocentia. Horariis divinis praecibus matutinis potissimum media nocte nunquam abfuit, nisi valetudinis causa ex iterata expressaque Superiorum voluntate. Somni parcissimus, ieiuniis, cilicio, flagellis ad sanguinis usque effusionem in se saeviens, atque iugiter orationi et contemplationi adhaerens, a litando nunquam abstinuit sanus, infirmus cum licuit sacra recreatus Sinaxi. Semper idem, semper constans, fratribus omnibus, immo praesulibus ipsis, etiam Generalibus, exemplo et venerationi erat. Tandem plenus meritis in senectute bona (annorum 87) apoplexi correptus, labilem vitam (Neapoli 23 aprilis 1782) cum aeterna commutavit". Sed in vita non defuerunt illi persecutiones, atque ludibria, quae videri possunt apud eius vitae scriptores. Ast illius innocentia de omnibus triumphavit, ut eius sanctitas et doctrina facile evinciatur etiam eius operibus, pluries editis quae nimirum sunt:

1. Vita di Don Giuseppe Sersale Arcivescovo di Sorrento etc. l763.

2. Vita del R. P. Nicola Sersale dell'Ordine Erem. di S. Agostino.

3. Breve istruzione intorno alle vie mistiche purgativa, illuminativa ed unitiva. Napoli 1768 in 8.

4. Apologia del P. Reg. Fr. Giannicola Chiesa sopra la sua dottrina circa il timore servile, e la necessità della meditazione de' novissimi ed altri punti di sua dottrina cattolica. Napoli 1769.

5. Riflessioni religiose e cristiane per tutte le domeniche, ferie ed alcune solennità dell'anno, 2 ed. 1756, 2 vol., in 12.

6. Il religioso in solitudine ossiano esercizi spirituali proposti ai religiosi dell'Ord. Erem. di S. Agostino, Napoli 1781, 1 vol., in 8. "Opera in miglior forma ridotta dal P. Agostino Salinas della medesima Congregazione 5a edizione", Napoli, Salv. Marchese, 1899 in 8.

7. Il tempio o il castello interiore.

8. Dissertazione sull'obbligo di tendere al più perfetto.

9. Istruzione per chi desidera la perfezione evangelica.

10. Esposizioni sopra il Cantico dei Cantici, 1772.

11. Catechismo ovvero dichiarazione della dottrina cristiana.

12. Trattato sull'uso della frequente Comunione.

13. Cento sospiri d'amor di Dio (del P. Rolandi, traduzione dal latino).

14. Affetti ricavati dal libro delle Confessioni del S. P. Agostino.

15. Il Salmo 118: Beati immaculati in via.

16. Il cristiano con Gesù Sacramentato.

17. Novene del S. P. Agostino - dei Santi Angeli Custodi - di S. Teresa - di S. Giovanni della Croce - dei dolori di Maria Santissima - dello Spirito Santo. 18. L'ottavario del Corpo del Signore. 

 

 

 

Referenze:

Benincasa P. Philip., Vitam eiusdem P. Chiesa; Lanteri, Postr. Saec. Sex R. A., T. III, pp. 276-282; Salinas, eiusdem P. Chiesa vitam praemissa ed. il Religioso in solitudine, Neap. 1899