CIVITATE S. ANGELI

 

 

 

e Civitate S. Angeli Lombardorum Fr. Iacobus dicitur a Gandolfo p. 190, "vir insignis doctrina et pietate" et a Toppio, Bibl. Neapolitana, 1678, p. 108, de familia Ursa ac "philosophus et theologus eminens et vir exemplarissimae vitae". Post Dioecesis Nicoterae in Calabria instaurationem primus dignus habitus fuit, qui a Bonifacio IX illo Episcopatui praeficeretur die 16 augusti an. 1392. Ex hac vita migravit an. 1415. Laudatur etiam ab Herrera, T. I, p. 427; ab Ughello, T. IX, col. 414, n. 1; ab Ossinger, p. 52, et a Gandolfo l. c. haec notantur; "Duo ipsius Opera simul in uno Tomo in fol. observavi ms. in nostra Carbonaria Neapolis, ideo primus inter scriptores enumero doctum Iacobum, (quae duo opera ita inscribuntur): Summa de Republica et Summa de Amicitia. Expl. "Completa est, auxiliante Deo, anno Domini 1390 die 24 mensis Februarii in Castro Butilli indictione XIII. Ista summa est Fratris Iacobi de Civitate S. Angeli Ord. Fratrum Herem. S. Augustini. Qui scripsit, scribat, semper cum Domino vivat Iacobus vocatur, a Christo benedicatur. In Castro Butilli scripta fuit ista Summa tempore, quo fuit Cappellanus Excellentissimi D. D. Comitis Mileti et Bellicastri. Liber scriptus per fratrem Danielem de Monterubiano Biblicum Baccalarium fratrum Herem. S. Augustini".