CORDIANI HIERONYMUS

 

 

 

Cordiani Fr. Hieronymus de Balneoregio in baptismate Ildebrandus vocatus, in patrio S. Augustini coenobio augustinianum institutum professus, vir evasit tum probitate, tum scientia clarus. Studiorum curriculis confectis, docuit Paduae, Mediolani, Florentiae atque in Urbe, qua S. Theol. Magisterium adeptus est ante an. 1630, quo ut talis interfuit capitulo generali Romae habito pro Romanae Prov. Discreto. An. 1633 eidem provinciae praeficitur usque ad cap. gen. an. 1636, et cum munere Definitoris interfuit etiam cap. generali an. 1645. Non constat quando obierit. Sequentia reliquit mss., id est:

1. Quaestiones in quatuor libros de coelo et mundo.

2. Disputationes in librum primum et secundum de genere et corruptione.

3. Introductio ad Aristotelis dialecticam.

4. Speculationes methaphysicae.

 

 

 

Referenze:

Quintarelli, Gli Uom. Illustri Begnonesi, p. 121, ubi falso dicitur illum an. 1646 habitum augustinianum, cum hoc anno S. Theol. Mag. et Provincialis iam extitisset