CORRADI FELICIANUS

 

 

 

Corradi Fr. Felicianus, Cremonensis, vir moribus ac bonis litteris commendabilis, philosophicas ac theologicas disciplinas coluit. Vixit saec. XVI ac adhuc puer in Congregatione Lombardiae habitum Augustinianum, an. 1521, Cremonae suscepit. Consacratus sacerdos impense docuit tum in scholis tum in suggestis et an. 1540 fuit consocius P. Michaelis de Castelletto in officio Vicariatus suae Congregationis. Ecclesiam S. Augustini de Cremona an. 1553 instauravit et anno insequenti in Capitulo suae Congregationis de Viadana Vicarius Generalis renuntiatur; at paulo post moritur. Cfr. Calvi, Delle Mem. Istor. della Congreg. Osser. di Lombardia dell'Ord. Erem. di S. Agostino. Milano 1669, p. 294, qui inter alia haec scribit: "Ora latinamente con molta profondità di sapere, lasciando dopo di sè varii sermoni funebri et altre materie latine et volgari fatti in Torino et altrove, dotti, saggi et eruditi, che manuscritti si leggono nella famosa Libreria di S. Agostino di Cremona.

 

 

 

Referenze:

Torelli, Secoli Agostiniani, T. VIII ad an. 1554, n. 19, p. 370; Bressani in Corona Virorum Illustrium, Lib. I. p. 3; Arisi in Cremona Litterata, Parmae, 1702, T. II, p. 233 a quo appellatur: "Augustiniani Ordinis honor, cum Historicis, Philosophicis, Theologiae literis, et Sac. Pag. ac Canonum peritia doctissimus. Oratoriis etiam et Poeticis facultatibus profunde versatus", atque Ossinger, p. 256