CORRAO AUGUSTINUS

 

 

 

Corrao Fr. Augustinus, Siculus, natus fuit Gelae die 18 aprilis 1864, et in nostra religione vota Deo obtulit die 25 dec. 1882. Die 28 sept. 1888 sacrum Presbyteratus Ordinem recepit. Rectitudine et ingenio spectans, Augustini Ciasca Cardinalis S. R. E fuit discipulus. Lector in Philosophia declaratus, munere professoris pulchrarum litterarum in Collegio internationali Urbis functus est, ac inde Bacc. gradu honestatus. Prior saepe fuit etiam in conventibus extra suam Provinciam, praesertim in Liguria, quo in munere enixe adlaboravit. Verbi Dei praedicationi deditus, concinnus atque eloquens se ostendit. Animam bonam sortitus, mitis, humilis, comis, observantissimus, orationi vacans et poenitentiae. Quamvis gravi morbo laborans, ad omnia paratus semper se ostendens, dilectus fuit Deo et hominibus. Pie obiit Romae in Collegio S. Monicae die 13 martii 1926. Iuris publici sequentia ab eo facta sunt:

1. Raccolta di discorsi, panegirici, sermoni, fervorini delle principali feste dell'anno, dedicato alla memoria del defunto fratello.

2. De Ordine Eremitarum S. Augustini carmen elegiacum in Analect. August., Vol. III, p. 456-57.

3. De B. Augustini Novelli patria, ibidem Vol. I, p. 67 et separatim sub tit.: La patria del B. Agostino Novello Agostiniano, secondo gli antichi documenti esaminati ... con la vita inedita del Beato scritta dal P. Isidoro Ugurgieri, Domenicano, Roma stab. tip. C. Rinversi, 1915 in 8, et iterum sub tit: Riassunto dell'opuscolo pubblicato in Roma sopra la vita del B. Agostino Novello, Terranova, 1918. Tip. Girol. Scrodato; nec non terzio: edizione interamente rifatta con due zincotipie. Palermo, Tip. F. Lugaro, 1922. Patriae nimis incensus amore auctor his in opusculis demostrare conatus est B. Augustinum Novellum ortum habuisse Gelae in Sicilia, cum certe constet illum primam aspexisse lucem Tarani in Sabinis (Cfr. Analecta August., Vol. VI, 120-133.

4. La dimora degli Agostiniani in Palermo, Palermo, Scuola Tip. orfani di guerra, 1921. Scripsit quoque valde eruditos articulos in ephemeridibus Savonae in Litimbro, Romae in Analectis ut et in La Madre del Buon Consiglio nelle famiglie Cristiane. "Oltre a ciò (ita legitur in eius necrologia edita in Bollettino Storico Agostiniano, Anno II, pp. 121-123) ha lasciato una miscellanea che potrebbe appellarsi Fiorita, dall'intestazione "Il più bel fior ne colgo", rimasta inedita".

 

 

 

Referenze:

Analecta Aug. vol. XI, p. 467