CORTIS IOANNES

 

 

 

Cortis Fr. Ioannes, [PRAETERMISSI p. 284] dictus etiam De Curtis et a S. Mauritio, in Monte Regali an. 1609 ortus, vigesimum annum agens, eum iam in patria humaniores litteras ae philosophiam didicisset, Salutiis in coenobio SS. Nicolai et Annae an. 1629 Augustinianum Discalceatorum habitum induit. Tyrocinio peracto, ad Taurinense coenobium se contulit ubi magno cum fructu theologiae vacavit. An. 1634 sacerdos inauguratus, in variis Italiae urbibus, praesertim Taurini verbi Dei praedicationi incubuit, ubi famam insignis concionatoris sibi comparavit.

At quadam die, dum sacram concionem ad populum haberet, vehementi dicendi vi rupta fuit illi vena, et sanguinem exputare coepit, qua de re officium concionatoris relinquere coactus, confessionibus poenitentium, qui turmatim ad eum confluebant, excipiendis, totum se dedit. Taurini modo Prioris, modo Provincialis, Romae tandem Definitoris gen. muneribus functus est. Obiit die 19 nov. 1675. Scripsit: Guida de' semplici per fuggire i peccati ed unirsi di cuore a Dio, con prattiche di esercizi spirituali. Torino, 1652, 1656, Milano 1658.

 

 

 

Referenze:

Tani, Commentaria cit. p. 118