CORTIVO IOANNES

 

 

 

Cortivo Fr. Ioannes Baptista, Fluminensis, S. Theol. Doctor, male a nostratibus dictus Germanus, nam fuit Italus puro sanguine. Augustinianam tunicam certe in nostra provincia Stirio-Carintiae induit ac in ea vixit, sed civitas Fluminensis geographice semper ad Italiam pertinuit et nunc, Deo favente, etiam politice. Vir fuit Cortivus noster acerrimi ingenii, atque theologus admodum dissertus, planeque calluit linguas latinam, graecam atque haebraicam. Philosophiae et Theologiae professorem egit Viennae et Graecii; Studiorum Regentem et Provincialem in Provincia Austro-Hungarica, ac demum Professorem et bis Decanum extitit in Universitate Graecensi. Fato concessit Viennae an. 1787 aetatis suae 80. Typis ab eo lucem aspexerunt:

1. Dissertatio de divinis nominibus, sive de Usia, Homousia et hypostasi, de essentia, natura, substantia et subsistentia et persona; de peculiaribus item divinarum personarum nominibus aliisque id genus graecis latinisque vocabulis, quorum disputationibus de Trinitate frequens est usus. Viennae in Austria, apud heredes Heyingerianos, 1754 in 4.

2. Dissertatio de stupendo prodigio stationis solis et lunae imperante Iosue, in consessu theologico dicto, et subinde aucta. Viennae in Austria, typis heredum Heyingerianarum, 1755, in 4.

3. Lucubratio theologica Augustini germanum exhibens dogma de nobiilssimis status innocentiae dotibus supernisque praerogativis, sanctitate, integritate, immortalitateque. Graecii, apud heredes Widmanstadii, 1762 in 8.

 

 

 

Referenze:

Ossiriger, p. 269; Lanteri, T. III, p. 351; Hurter, Nomenclator, T. V, col. 267; Hutter, in Revista Augustiniana, Vol. V, p. 579