CRAPOLS AEGIDIUS

 

 

 

Crapols Fr. Aegidius, Volaterranus, non Liburnensis, ut habet Ossinger, p. 272, S. Theol. Mag. et orator insignis, suam eximiam eloquentiam audire fecit an. 1703 in Pistoriensi cathedrali Ecclesia; an. 1705 Romae in ecclesia S. P. Augustini; an. 1711 Cesenae; an. 1713 sacram scripturam explicans iterum Romae in Ecclesia S. Aug.; an. 1714 Venetiis tempore Quadragesimae, et an. insequenti Patavii. Ad magisterium assequendum examinatus fuit die 3 maii 1709 atque approbatus plenis suffragiis, et an. 1714 suae Etruriae provinciae praefuit.

Claruit doctrina, pietate, necnon devotione erga D. Nicolaum Tolentinatem, ut refert Lanteri, T. III, p. 117; sed fuit ille alumnus Congregationis Insubricae ut ipse Lanteri habet? De hoc dubito. Incertum quo anno obierit. Reliquit: Succinte notizie della vita ammirabile e stupendi miracoli del protettore di S. Chiesa Nicola da Tolentino consacrate all'illustrissimo Marchese Nicolò Maria Pallavicino. In Roma nella stamperia di Antonio De Rossi, 1713 

 

 

 

Referenze:

Haec ex Ordinis Regestis