de CREMONA GERARDUS

 

 

 

de Cremona Fr. Gerardus, S. Theologiae Doctor, inter auctores Augustinianos, quorum opera in Bibliotheca Conventus Cremonensis custodiebantur, ab Antonio Possevino in Apparatu sacro T. III, in Appendice, non assignato illius aevo, numeratur; forsan est ille Gerardus, natione Italus, qui saec. XIV Provinciae Lusitaniae illustre extitit membrum, primarius Theologiae Lector in Ulyssiponensi Universitate, atque eiusdem Rector, qui circa annum 1350 duo evulgavit volumina. Non dicunt historici quid continebant ista volumina; ast de manuscriptis Cremonensibus ab eo exaratis afferunt illa continuisse. Sermones Dominicales et festivos per totum annum eiusdem Magistri Gerardi, Doctoris Theologi, et tunc lectoris Perusini. 

 

 

 

Referenze:

Arisi, Cremona Litt., Vol. I, p. 338, et Lanteri, Postr. Saec. Sex R. A., T. I, p. 201, nec non Elssium in Encomiasticon Augustiniano