de CREMONA SIMONE

 

 

 

de Cremona Fr. Simon vir fuit, ut iisdem fere verbis testantur, Pamphilus, f. 51 sub an. 1348; Herrera, T. II, p. 396; Ludovicus Cavitellius in Historia Cremonensi, f. 130; Gandolphus, p. 319; Ossinger, p. 275 et alii, in divinis scripturis valde eruditus, liberalium artium egregie doctus, ingenio praestans et eloquio clarus, nec non in sermonibus ad populum habendis declamator insignis, quippe qui Venetiis multo tempore huic insudavit negotio, ubi verbo et exemplo plurimos erudivit. Magna insuper apud Ordinem florebat gratia et auctoritate: qua de re varias interdum conspiquas obtinuit dignitates. Nam an. 1385 erat Insubriae Provincialis; an. 1387 Regens S. Augustini Genuensis et Visitator Generalis conventus Savonensis, adeptus postea, anno nimirum 1388, a Generali Bartholomaeo de Venetiis, facultatem constituendi Priorem et Lectores in praefato Genuensi Coenobio ex quo, an. 1390, Patavium proficiscitur, ubi paulo post, ut putat Pamphilus, discessit e vita. Quidam auctores illum putant auctorem fuisse institutionis Neapolitanae S. Ioannis de Carbonaria Congregationis; at P. Thomas Herrera et alii melioris notae historici, potiori iure retinent hunc honorem deferendum esse B. Christiano Franco Pedemontano et B. Mattaeo de Introduco. Plurima scripsit opuscula ad utilitatem et instructionem concionatorum, quae sunt:

1. Sermones super evangelia per annum, Venetiis habiti. Cod. 2985 Bibliothecae Reg. Monacensis (Amb. 5), in 4, saec. XV, ff. 72.

2. Sermones de Epistolis Dominicalibus cum tabula. Cod. 3545 Bibl. Reg. Monacensis inter ff. 1-212, in 4 maiori, saec XV, ff. 247 Sermones super Evangelia totius anni - extabant etiam Cremonae in Biblioth. S. Augustini uti testatur ex Possevino Arisius, Cremona Literaria, Parmae, 1702, T. I, p. 179 et II, p. 177; in nostra Ratisponensi scripti per Stephanum Schinidauer, an. 1467 in fol. ut habet Ossinger; Sermones vero de Epistolis Dominicalibus extant Viennae in Bibl. Caesaria codex chartaceus accademicus in 4; et Romae in Angelica, Cod. 375, membr. saec. XV, in fol. ff. 94 binis coll., sub. hoc tit.: Opus Epistolarum per totum annum compositum per Rev.mum doctorem Magistrum Simonem de Cremona ord. Erem. S. Aug. quod opus est Fratris Laurentii Biblici de Fer.a eiusdem ordinis. Des: "Explicit liber epistolarum sancti Pauli Apostoli per totum anmum. Iste liber est fratris Laurentii de Feraria predicatoris civitatis Aretii ordinis heremitarum sancti Augustini, quem emit a fratre Iohanne de Aretio baccal. eiusdem ordinis M.CCCC.XX, die nona mensis octobris, pro tribus florenis aureis". Integrum opus sub tit: Postilla super evangelis ci epistolis omnium dominicarum, et Opus praedicabile de evangeliis et epistolis omnium dominicarum totius anni, quod impressum Reuttlingen d. 26 maii a. 1484 in fol. mim. ff. 347 describit Hain, in repertorio Bibliogr. sub n. 5823 et Fretagin - Analecta Librorum rariorum, p. 866.

3. Sermones super festos Dominicales, cod. 3876 in mem. Bibl. Reg. Monacensi, inter ff. 1-212 in fol. enim, an. 1458, ff. 267. Eidem Fratri Simoni tribuuntur: Sermones in festis totius anni, num hi iidem sunt ac superiores recensiti? Stabant hi sermones festivi etiam in nostra Biblioth. Patavina in fol. membr. (Cfr. Tomasini Bibl. Patavinae Privatae, p. 75)

4. Quadragesimale. Erat ms. chart. in 4. Venetiis in Bibl. S. Ioan. et Pauli, I Ordine alterius partis (Cfr. I. Phil. Tomasini, Bibl. Venetae Privatae, p. 28).

5. Sermones de praecipuis Deiparae festivitatibus (Cfr. Marucci in Bibliotheca Mariana Vol. II, p. 368, et Fabricius Mansi, Bibl. Lat. m. et inf. latinitatis, Florentiae, 1858, T. V, p. 483.

6. Collactiones mortuorum in Evangelia et Epistolas totius anni. Romae in Bibl. Ducum de Altemps, modo in Vaticano, (Cfr. Herrera l. c.).

7. Quaestiones et Expositiones Sententiarum.

8. Quaestiones de Sanguine Christi.

9. Quaestiones de Indulgentiis Portiunculae, Tom. I.

10. Harmonia in Evangelia, Iib. 1.

11. Super Epistolis D. Pauli, T. I.

12. Libri Sanctorum quibus additae sunt constitutiones Clementis V, Tom. I (Ita Gandolphus sed, notat Mansius, quid sit postremum hoc opus non assequor). Praeter citatos conferantur etiam Trithemius c. 602; Miraeus c. 433; Warton in Append. ad Caveum, p. 24; Felix Milensius in Alphabeto Ord. Erem. S. Augustini, p. 383; Gratianus, p. 166; Lanteri, Postr. Saec. Sex R. A., T. I, p. 351 et aiii.

 

 

de Cremona Fr. Simon, (ADDITAMENTA, pag. 74) de quo in Vol. I, p. 271, videtur longam duxisse vitam, nam ex Tiraboschi, Stor. della Letter. Ital., Modena, Tom. IX, 1781, p. 58, scimus codicem ms. extitisse in nostro Conventu S. Augustini Cremonae eiusdem fr. Simonis cuius tit.: Opus praedicabile super epistolas D. Pauli Dominicales totius anni, in cuius fine legebatur illud exaratum fuisse an. 1320. Cum autem ex historicis allatis Simonem nostrum mortem oppetierit anno 1390 vel paulo post, et an. 1320 iliud opus ediderit, facile deduci potest illum prope centenarium vixisse. Ex eodem Tiraboschio (l. c.) scimus insuper: "Il Generale Cristoforo da Padova avea ideato di fare un'edizione di tutte le opere di questo Teologo, come raccogliesi da' Monumenti di S. Maria del Popolo; ma il disegno non fu eseguito".