CRETONI VINCENTIUS

 

 

 

Cretoni Fr. Vincentius, S. Theol. Mag., in civitate Sutrina an. 1828 ortus, et eius fratris Nicolai, de quo antea, natu minor, Eremitarum Augustinianorum regulam, corde sincero et humili, an. 1844 professus est. Philosophicis disciplinis postea ac theologicis non sine profectu operam sedulo navavit, atque sacerdos effectus, per omnes studiorum gradus ad magisterium pervenit. Variorum conventuum, praesertim Viterbiensis, cui multa contulit bona, extitit Prior; nec non suae Romanae Privinciae praesul supremus. Obtinuit insuper Assistentis Generalis honores, ac pie Viterbii obiit die 17 febr. 1895.

Scripsit atque edidit: Cenni Storici della Madonna di S. Agostino, Roma, Tip. della Pace, 1886, in 8.