de CUMIS AUGUSTINUS

 

 

 

de Cumis Fr. Augustinus, Eremitano Ordini adscriptus, tum doctrina, tum morum probitate, suo aevo maxime floruit. Vixit, ut videtur, saec. XIV labente et XV ineunte; nam in Reg. nostri Generalis Bartholomaei Veneti, fol. 66v. haec habentur: "Die 21 maii 1388 mandavinius ut per Regentem conventus S. Augustini de Papia fratri Augustino de Cumis et sotio, de cellis competentibus et victu communi provideatur (Cfr. Maiocchi-Casacca, Codex cit. Vol. IV, p. 307). Insuper in quadam deliberatione capituli eiusdem conventus Papiensis die 29 maii 1390 habita, dicitur "bacalarius" (Cfr. eosdem Vol. I, p. 151), qui opportune adnotant : "E (questi) certamente frate Agostino da Como, insigne letterato e teologo, di cui vedi Lanteri, vol. I, p. 25, e Torelli, vol. VI, p. 817. La data della morte, assegnata dal Lanteri al 1451, è dal Torelli posta in dubbio. Ed a ragione, poichè il nostro documento presentando frate Agostino già Baccelliere nel 1390, ci dà motivo di supporre che l'anno della sua morte debba essere alquanto anteriore al 1451". Exemplaritas et puritas vitae (verba sunt Gandolphi) eum populis venerabilem reddidit, litteratura concionando et scribendo ostensa, inter Doctorum choros aggregavit. Nominatur cum laude non solum a nostratibus auctoribus, verum etiam ab abbate Picinello in Mediolanensi Athenaeo, et Io. Baptista Carisio in Theatro sacro. Nomen suum posteris commendavit aliquot eruditis exaratis voluminibus, quae mss. asservabantur in nostra Bibl. ad S. Marcum, quaeque sunt:

1. Breviloquium in libros Sententiarum.

2. De virtutibus cardinalibus, lib. I.

3. De septem peccatis mortalibus, lib. I.

4. De oculo morali tractatus unicus.

5. Sermones varii, lib. I; et disputationes de Conceptione B. M. Virg. 

 

 

 

Referenze:

Elssius; Lanteri, Postr. Saec. Sex Rel. Aug., T. I, p. 251; et Hurter, S. I., Nomencl. Lit. T. II(1906) col. 889