DEGLI ANTONI ALBERTUS

 

 

 

Degli Antoni Fr. Albertus Lucensis, Fulginiae an. 1804 in coenobio S. Nicolai Augustinianum habitum induit, et post tirocinium Perusiam mittitur; inde Viterbium et an. 1816 iterum Perusiam, ubi die 1 iunii 1817 fit Lector. Lectoris munere expleto, die 5 iulii 1821 admittitur ad examen pro Regentia, in quo ita egregie se gessit ut a sex examinatoribus retulerit suffragia quatuor aurea et duo argentea, ac proinde declaratus Regens, locatus fuit in Collegio S. Augustini de Urbe cum onere inibi exponendi e suggestu Sacram Scripturam. Ex definitione capituli gen. an. 1822, post cursum decem annorum expositionis verbi divini, die 11 ianuarii 1831 titulo ex-Provincialis decoratur, et ex indulto apostolico ex-Assistentis generalis, quo titulo Capitulum generali ingredi potuit hoc an. 1831 Romae celebrato, in quo una cum PP. Magistris Mauritio Semeria, Iacobo Ricca, et Ioanne Rice, Assistens Gen. renuntiatus est. Fuit insuper SS. Rituum Congregationis consultor, academiae Religionis Catholicae socius, et suis concionibus, Mediolan, Ravennae, Bononiae, Perusiae, Firmi, Neapoli, et praesertim Romae in basilicis Lateranen. et S. Petri habitis, immortale sibi nomen comparavit. Gravi morbo correptus, in coenobio S. Augustini de Urbe supremum diem obiit mense novembris an. 1837 aetatis suae 51. Scripsit lingua patria:

1. Lectiones 29 super cantica canticorum, quas auctor habuit in ecclesia S. Augustini Romae, et quae, sicut etiam aliae quae sequuntur asservantur mss. in Bibl. Angelica de Urbe in codicibus infra notatis. Lectiones omnes sunt autographae et supra memoratae extant in cod. 282 (C. 6. 8) ff. 170, ac. inc.: "Lezione sulla cantica, Proemio. Rividdi con giubilo".

2. Lectiones 24 super quatuor Evangeliis. Cod. 283 (C. 6. 9) ff. 499. Inc.: "Lezione prima sopra la vita di G. C. Proemio sagro. Iohan. C. I., v. 1 Viaggiator peregrino".

3. Lectiones 32 super Act. Apostolorum. Cod. 284 (C. 6. 10) ff. 215. Inc.: "Sopra gli Atti Apostolici. Lezione 1. Ascensione di Gesù. Che lo studio della nostra SS.ma Religione".

4. Lectiones 2 super S. Iuda, et 25 super Epistolis S. Pauli ad Corinthios. Cod. 285 (C. 6. 11) ff. 161. Inc.: "Sopra S. Giuda Apostolo".

5. Lectiones 45 super reliquis S. Pauli Epistolis; 3 super Epistola catholica S. Iacobi Ap.; 3 super Epistolis S. Petri Ap.; et 3 super Epistolis S. Ioannis Ap., Cod. 286 (C. 6. 12) ff. 203. Inc.: "Lezione I, sopra S. Paolo ai Galati. La nuova stazione. Esordio. Ben ti riveggo, nobile devoto e fedele popolo di Roma".

6. Lectiones 13 super Ecclesiaste, et 16 super Epistola S. Pauli ad Romanos. Cod. 287 (C. 6. 13) ff. 187, Inc.: "Lezione I, sopra l'Ecclesiaste. Proemio. Esordio. Bella e calda estate".

7. Lectiones 30 super Apocalypsi S. Ioannis Ap., Cod. 288 (C. 6. 14) ff. 190. Inc.: "Lezione prima sopra l'Apocalisse di S. Giovanni. Cap. I, vol. I. Esordio. Ammirevoli, grandi".

8. Ode a Leone XII Pont. Mass. Sonetto per Maria SS.ma Addolorata, Roma Tip. Puccinelli, 1825, ex quibus eruitur auctorem fuisse etiam poetam.

9. Della Sacra Scrittura Dialogo. Inc.: "Cosa sia Sacra Scrittura". Cod. 26 (A. 4. 35) in 12; ff. 34 saec. XVIII Bibl. Angelicae de Urbe. 

 

 

 

Referenze:

Lanteri, Postr. Saec. Sex R. A., Vol. III, pag. 331 a quod dicitur: "celeberrimus concionator"; Narducci, Catal. cit. pp. 154-155 et Ordinis Regesta