DEL GIUDICE FULGENTIUS

 

 

 

Del Giudice Fr. Fulgentius, Salernitanus, S. Theol. Mag., fuit celebris concionator; saepius enim praesertim tempore Quadragesimae in nobilioribus Italiae civitatibus magno cum applausu sacra rostra tenuit. Per 22 annos insuper Genuae, Ticini, Senis, Neapoii, Bononiae atque Romae lector extitit, cum philosophica aeque ac theologica scientia quammaxime excelleret. Quare tantum nomen sibi comparavit, ut plures ei Episcopatus oblati fuerint, quos tamen humillime recusavit. Vixit saec. XVII labente et XVIII ineunte. Scripsit, teste Nicolao Toppio, Bibl. Neapolitana, p. 161, tomos duos de rebus philosophicis et tres super doctrina nostri Aegidii Columnae. Extat insuper eius: Militia spiritualis, Oratio, in Concilio Salernitano, Neapoli, 1661. Ex catalogo bibliopolae Lud. Rosenthal Monacensis, N. XIX (an. 1902), p. 30, n. 427, habetur nostrum Fulgentium edidisse opus cui tit: Cursus philosophicus ad mentem Aegidii Romani, impres. Neapoli, an. 1679, vol. in fol. ex Typ. Michaelis Monacho. 

 

 

 

Referenze:

Ossinger, p. 399; Lanteri, Postr. Saec. Sex R. A., T. III, p. 152