DIEDO IOANNES

 

 

 

Diedo Fr. Ioannes Augustinus in civitate Bassani, Vercellensis Dioec. natus ideoque Bassianinus vocatus, Congregationem de Lombardia Ord. Erem. S. Aug. die 28 Augusti 1506 ingressus ac die 25 Aprilis 1508 Bergomi professus, evasit S. Theol. doctor, et ita erat doctrina, praesertim philosophica, exornatus ut propterea in omnium ore versaretur. Romae, cum degeret, scientiae et probitatis fama religioni nostrae plurimum incrementum contulit cum Summi Pontificis Pauli III gratia singulari et benevolentia fruitus esset. Fuit etiam in magnam existimationem apud rectores Venetiarum Reipublicae, Ferrarienses ac Mantuae Duces ac apud Sabaudiae Principes quorum negotia probo et eximio modo pertractavit. In sua Congregatione variis vicibus fuit Conventuum Prior, quinquies visitator, septies Definitor ac tandem an. 1553 in Capitulo Bononiae habito Vic. Generalis electus. Huic terrenae luci oculos clausit Bergomi die 10 Ianuarii an. 1557, aetatis suae 70. Sequentia tipis mandavit:

1. Commentarii ex antiquis Patribus in D. Pauli epistola ad Timotheum.... quos an. 1553 R.mo Hieronimo Seripando dicavit.

2. Catechismus de arte Neapolitana. Impres. Romae 1547. Incip: Quoniam vetus adagium...

3. Expositiones in epistolas Petri, Iacobi et Iudae Apostolorum.

 

 

 

 

Referenze:

Calvi, Delle Memorie Historiche della Congr. di Oss. di Lombardia, pp. 291-293; Elssius in Encomiasticon August. p. 329; Ossinger in Bibl. Aug., p. 107; Lanteri in Postr. Saec. Sex. Rel. Aug., T. II p. 420 et in Add. ad. Crus., p. 736, et Verci, Notizie intorno alla vita ed alle opere degli scrittori di Bassano, Venezia, 1775 Vol. I. p. 11