DOROTEO GUILELMUS

 

 

 

Doroteo Fr. Guilelmus, Venetus, S. Theol. Mag. de cuius persona, duas nostri historici faciunt (Cfr. Torelli, Secoli Agost., T. VIII, pp.473 et 551 e Lanteri, in Additamentis ad Crusenii Monasticon, p. 732) fuit linguae grecae valde peritus. Ex registris Priorum Gen. Ordinis cernitur illum renunciatum fuisse Baccalaureum an. 1526 in capitulo gen. Tarvisino hoc anno habito, ac Romam accersitum ut inibi doceret. Anno vero 1395, cum iam esset S. Theol. Magister, destinatus fuit ut in capitulo gen. Neapolitano publicas disputationes haberet; an. 1540-1564 constitutus fuit Venetiis nostrorum Regens; ab an. 1566 ad an. 1571 lectorem egit Monachorum Camaldulensium et Canonicorum Regularium S. Spiritus in eadem urbe, et tandem in Universitate Papiensi professor publicus philosopiae extitit. Sed bene animadvertunt Maiocchi-Casacca in eorum Codice Diplomatico cit., T. IV, p. XXV in nota, in documentis ab ipsis allatis et a documentis illius Universitatis tale nomen non apparere. Ex eius operositate varia Aristotelis et aliorum opera e graeca lingua in latinam habentur versa et diversis adnotationibus ab ipso locupletata, quae nimirum sunt:

1. Phisica Aristotelis.

2. Eiusdem libri de coelo et mundo.

3. Commentaria Simplicii in decem categorias Aristotelis cum sex principiis excussa Venetiis an. 1541.

4. Alexandri Aphrosidei in octo libros Topicorum Aristotelis Commentaria, Venetiis, 1541.

5. Expositio Ioannis Grammatici Philopini in quatuor Aristotelis libros de naturali auscultatione. Impressa an. 1539 et 1542.

6. Commentario eiusdem in duos libros Priorum Aristotelis. Venetiis apud Scotum, 1541, in fol.

 

 

 

Referenze:

Christianus Iöcher, T. II, col. 197; Ossinger, p. 299; Lanteri, Postr. Saec. Sex. R. A., T. II, p. 414; Herrera, T. I, p. 312; Elssius, p. 261; Gesner, p. 254; Superbi, Trionfo glorioso d'heroi illustri di Venezia, Part. III, p. 16