FABRIANO HIPPOLYTUS

 

 

 

Fabriani Fr. Hippolytus, ex oppido Ravennate, v. Mercato Saraceno appellato, apud Ravennates Augustinianenses monasticam vitam amplexatus, evasit vir morum integritate et litterarum peritia clarus; quare praecipuas Ordinis dignitates obtinere valuit. Etenim an. 1576 officium Lectoris et Praedicatoris Episcopi Civitatis Novae peregit: an. 1583 Vicarius Generalis conventus, et anno postero totae Tolosanae Provinciae praefuit, reformatoris munus exercens. Anno 1586 erat Prior conventus Parisiensis, reversusque postea in patriam, an. 1591 Provinciam Romandiolam gubernavit. Dein in Germaniam, ut Vic. Gen. missus, quo munere usque ad an. 1599 summo cum honore functus est, exercens eodem tempore Assistentis gen. pro citramontanis provinciis munus, quod an. 1595 obtinuit; ac tandem totius Augustiniani Ordinis Prior Gen. Recineti die 25 maii 1602 in comitiis generalibus electus. Hoc in munere obeundo tantam prudentiam, ac rerum agendarum dexteritatem ostendit, ut a Paulo V die 17 decembr. 1607, ad regendum Episcopatum Castellanae et Ortanae Dioec. promovit. Tandem die 24 augusti 1621 ad aeternam vitam transivit, et in cathedrali tumulatus fuit. Scripsit: Quadragesimale seu conciones pro tota quadragesima.

 

 

 

Referenze:

De illo loquuntur Ughellus, T. I, pol. 603, ubi appellatur "insignis theologus et praedicator egregius"; Cappelletti, T. VI, p. 58 a quo dicitur "uomo di sommo merito"; Herrera, T. I, p. 346; Elssius, p. 299; Ossinger, p. 323; Lanteri, Eremi Sacrae Aug., Part. I, p. 69; Ginanni, Mem. Storico crit. degli Scritt. Ravennati, Vol. I, p. 181 et alii.