FALCONI GREGORIUS

 

 

 

Falconi Fr. Gregorius, Recinetensis, S. Theol. Mag., vixit secunda medietate saec. XVI et prima saec. XVII. Dicitur ab Ossinger, p. 327: "vir undecumque doctus ac omnium literarum eruditione eximius, praesertim magnus theologus". Interfuit comitiis generalibus Ordinis an. 1602 in sua patria celebratis, et an. 1612 erat nostrorum studiorum Caesenae Regens. Egregii sui ingenii quae sequuntur reliquit, videlicet:

1. Conciliatio centum locorum controversorum inter D. Thomam Aquinatem et B. Aegidium Columna Romanum. Arimini, 1612 et Patavii, 1614, in 4°.

2. Gestum Aegidii Romani locorum contrariorum conciliatio in problematicam disputationem. Arimini, 1617, VoI, in 4°.

3. Conclusiones theologicae in Capitulo Generali Ord. Erem. S. Augustini Recineti an. 1602 habito defensae et Communitati Recinetensi dicatae.

4. Oratio de origine civitatis Recinetensis eiusque historia in eodem capitulo habita post vesperas ultimi diei festi Pentecosten. 

 

 

 

Referenze:

Lanteri, Postr. Saec. Sex R. A.,T. II, p. 413; Vecchietti, Bibl. Picena, Vol. IV, p. 78; Benedettucci, Bibl. Recanatese, p. 24, et Hurter, Nomencl. Lit., T. III, (1907) col. 369