FARRUGIA NICOLAUS

 

 

 

Farrugia Fr. Nicolaus, Militensis, S. Theol. Mag., natus in civitate v. Vittoriosa die 4 sept. 1866, ac Ordinem Augustinianum ingressus die 5 aug. 1884, S. Presbyteratus ordinem suscepit die 12 dec. 1891. Non sine laude studia sua tum Melitae tum ad S. Monicae Collegium perfecit, ubi postea S. Theol. docuit. Bonis moribus et vitae integritate praeditus, munera sibi commissa magno cum zelo obivit. Omnibus gratus, Melitae nunc bene vivit, ac bonus Deus illi vitam donet cum incolumitate longiorem et postea sempiternam. Eius ingenii opera sunt:

1. Tractationes tres. Tract. I: De Censuris in genere. Tract. II: De Censuris in specie. Tract. III: In Constitutionem Apostolicae Sedis iuxta recentiora Decreta et Iuris dispositiones. Melitae, Typ. Ioan. Muscat, 1916, in 8°, et iterum Augustae Taurinorum-Romae, Typ. Marietti, 1922, in 8°.

2. Tractatus de casuum conscientiae reservatione iuxta recentiora decreta et recentissimam instr. S. Offici 13 iulii 1916. Melitae, Typ. Empire Ioan. Critien, 1917, in 8°.

3. De casibus reservatis in Archidioecesi Melitensi et Dioec. Gaudisiensi explanatio. Melitae, Typ. Malta Fortunati Mizzi, 1917 in 8°.

4. De Matrimonio et causis matrimonialibus, tractatus Canonico-Moralis iuxta codicem Iuris Canonici. Taurini-Romae ex officina Marietti, 1924, in 16°.