FAVARI PROSPER

 

 

 

Favari Fr. Prosper, Narensis, S. Theol. Mag., an. 1647 e Laurentio et Elisabetha Nobili ortus, an. 1664 Augustinianum institutum amplexatus est. Solemni professione emissa, studiis impense vacavit, et ob egregias ingenii dotes, quibus excelluit, in scholasticis disciplinis mirifice profecit. Doctrina excultus philosophiam ac theologiam, Regentis munere per annos 24 in praecipuis Siciliae et Italiae coenobiis, magna sui opinione docuit. Quibus emensis an. 1690 Romae Magisterii gradu est insignitus. In dogmaticis praesertim rebus impense emicuit, ac ibidem omnium scientiarum theses publice propugnandas exposuit, multis adstantibus S. R. E. Cardinalibus ac primae notae praesulibus. Eruditione, eloquentia et poetico estro emicuit; et graecas et hebraicas litteras mirifice quoque calluit. An. 1685 in Sicula Provincia Vicarii et Visitatoris Generalis munere functus est, ac exinde semel et iterum eam gubernavit, ad eiusdem clavum assumptus annis 1686 et 1706. Interim S. Inquisitionis Siculae consultor et censor extitit nec non Hieronymi Vigintimilii, Episcopi Liparensis theologus. Obiit an. 1725. Ingenii atque doctrinae suae monumenta sunt sequentia:

1. Breve Epitalamio della Passione e Morte di N. Signor Gesù Cristo, referens Ordinarii loci approbationem, et inc.: "Al pallido sembiante".

2. Carmina Pindarica iocosa et satirica, parum honestati ac pietati consona.

3. Oratio adventoria ad R.mum P. Fr. Mag. Fulgentium Travallonum Priorem Generalem Ord. S. A ugustini. Messanae, apud Vincentium de Amico, 1687 in 4°.

4. Oratio Genetliaca habita in comitis gen. adstantibus nonnullis S. R. E. Cardinalibus, ac Praesulibus. Romae 1693.

5. Apocalipsis Allegorica theologicarum veritatum, sive theses disputandae.

6. Clavis theologica, sive opus tripartitum, in quo de poena damni, de poena sensus et de poena loci parvulorum disseritur, in 4°.

7. Lettera pastorale a tutti i prelati e principi cristiani, in 4°.

8. Meditazioni devotissime per tutti i giorni dell'anno, in 8°.

9. Opusculum de regni Siciliae turbatis rebus, malisque per annos quinque ingravescentibus, et interdicto generali Dioecensibus Catanensis et Agrigentina subiectis, iudicio S. Sedis submissum, in 8°.

10. Fasti Isdraeliticis, Vol. III, quorum 1.um a Genesi usque ad libros regum currit, 2.um a libris Regum et Paralipomenon usque ad prophetas; 3.um ab Esdra per reliquos Prophetas maiores et minores, et libros Machabeorum, universo hoc opere hebraicis caracteribus praenotato.

 

 

 

Referenze:

Ant. Mangitore, Bibl. Sic., Vol.II, p. 192; Bon. Attardi, Il Monachismo in Sicilia (1741), p. 71; Ossinger, p. 322; Lanteri, Vol. III, p. 108