D

 

 

 

Ferrata Fr. Angelus, E.mi S. R. E. Dominici Ferrata natu maior, cunas habuit in Terra Gradulorum, Faliscodunensis Dioec., die 20 Decembris 1839. Eius parentes, non minus christiana pietate, quam genere, clari, fuere Io. Baptista et Maria Antonuzzi. Anno 16 aetatis suae, Ordinem Eremitar. S. Augustini ingreditur, et Genestani tyrocinio confecto, Romam accersitur. Mature cum studiis tum bonis moribus sedulam navavit operam, eam constanter praeseferens animi maturitatem, quae impar suae aetati videbatur. Quare P. Thomas Martinelli, tunc studiorum regens, et postea S. R. E. Cardinalis, an. 1858 de eo scribebat: "Minimus aetate non virtute et acumine ingenii". Brachianum missus ad studiorum curriculum prosequendum R. P. Adeodatus Barbetti, alter regens, an. 1860 ita eius praeclaras dotes celebrabat: "Morum candore, indolis suavitate, humilitatis virtute nemini secundus: ingenii acumini subtilis ac promptus, scientias discendi percupidus in studiorum palestra phroeno magis quam stimulo indiget: unde condiscipulos mirabiliter antecedit". Unde mirum non est quod in literis et scientiis ita profecerit, ut maxima cum laude, die 1 Augusti 1865 Lectoris, et quinque post annos, die videlicet 2 Aprilis 1870 Regentis gradus facile obtinuerit. Viterbium inde perexit, et an. 1876, die 11 Iunii omnium plausu laurea magistrali condecoratus fuit. Deinceps Romam iterum vocatus, electus fuit literarum hebraicarum professor in Collegio de Propaganda Fide, quod munus exercuit per 25 annos. Tanta erat eius ingenii versatilitas, ut quibusqumque studiis incumberet in omnibus optimus evaserit. Unde non modo fuit acutus philosophus, et conspicuus theologus, sed etiam expolitus et efficax orator, nec non emicans poeta et elegans literatus. Anno 1881 nominatus fuit Secretarius totius Ordinis, et valida sua opera et consilio maxime profuit in restauratione Ordinis a P. Generali Neno feliciter incepta. Postea etiam officio Assistentis et Procuratoris Generalis (in quo munere electus fuit in Capitulo G.li an. 1900) functus est. Extitit et Consultor S. Indicis Congregationis. Et in omnibus his muneribus paregendis magnam semper ostendit prudentiam, sagacitatem et caritatem. Nullus fuit qui eum noscens, sincero non prosequeretur amore, quippe qui semper benevolus omnes pari benignitate et humanitate amplectebatur. Constanter docuit philosophiam, theologiam, S. Scripturam, unguas graecas atque hebraicas. Praedicavit in Terris Gradulorum, Ponteterra, Romae in ecclesiis S. Petri Apostolorum Principis, S. Augustini, S. Mariae de Populo, Pisarum, Florentiae aliisque in civitatibus, Viterbii die 23 Augusti 1908 in SS.mae Trinitatis collegio, ubi sanitatem recuperandi causa, paucis, ante diebus, morabatur, haemorragie cerebrali correptus, e vita migravit. Varia tum soluta oratione, tum poetice scripsit atque edidit in ephemeridibus L'Eco del Pontificato, L'Eco di S. Agostino, La Madre del Buon Consiglio. Edidit insuper:

1. Manuale delle spose e Madri cristiane compilato da un Sacerdote Agostiniano. Modena, Tip. dell'Immacolata, 1874, in 16°, pp. 296 (Hoc opus impressum suppresso auctoris nomine, est R.mi P. Ferrata, ut videri fas est in Reg. R.mi P. G.lis Belluomini Dd. 263, p. 65).

2. Osservazioni sulle leggi della Conoscenza, Roma, Tip. della Pace di Filippo Cuggiani, 1891, in 8°.

3. Logica, Critica ed Ontologia. Roma, Tip. della Pace di Filippo Cuggiani, 1895, in 8°.

4. Cosmologia. Roma, Tip. della Pace di Filippo Cuggiani, 1898, in 8°. Reliquit ms. volumen cui titulus: Psicologia e Teologia Naturale atque alia, praesertim vol. Poesum asservatum apud suos.

5. Corso completo di Spiegazioni dei Vangeli delle Domeniche e festività dell'anno. Predica della Passione: edit. in Il Corrispondente del Clero. Roma, 1881, Tip. Monaldi.

6. Omaggio a Gesù Redentore (irrefutabilibus argumentis demonstrans divinitatem Domini N. Iesu Christi). Montegiorgio, Tip. Finucci, 1910, pp. 96, in 4°.

 

 

 

Referenze:

Perini, Studio Bio-Bibliografico sul Card. Agostino Ciasca, Roma 1903, p. 167, nec non literas Circulares R.mi P. Giacchetti Commissarii G.lis Ordinis et Adm R. P. Adeodati Neno Provincialis Prov. Romanae, Typis die 1 et 4 Septembris datas