FERRIELLO MARIANUS

 

 

 

Ferriello Fr. Marianus, (ADDITAMENTA, pag. 75) die 26 an. 1868 in oppido S. Felicis vulgo Cancello Acerran. Dioec. ortus, ac die 5 dec. 1886 habitu Augustiniano in Congregatione S. Ioan. ad Carbonariam indutus, exactoque tyrocinio ad professionem post annum admissus, die 29 iun. 1892 primam litavit Hostiam. Bonis moribus ac pietate imbuto, varia et maioris momenti officia eidem collata fuere. Fuit enim Rector Sanctuarii Savonensis, Vice-Parochus ac Sacrista in conventu S. Mariae de Consolatione Genuae, Monialium confessor Cassiae, per novem annos Vicarius Generalis suae Congregationis S. Ioan. ad Carbonariam, pluries Prior atque insuper Parochus nostrae Basilicae in Civitate Andriae. Scripsit ac praelo dedit:

1. Gli Agostiniani in Andria. Una pagina inedita di storia con illustrazioni fuori testo. Firenze libr. Edit. Fiorentina, 1931 in 12.

2. Il Santuario della Madonna dei Miracoli in Andria. Ibidem, 1931, in 12.