FILLOL THOMAS

 

 

 

Fillol Fr. Thomas, in insula Sardinia ortus, Eremitarum S. Augustini Ordinem, saec. XVII pietate et doctrina illustravit. In Sassaritano S. Augustini coenobio, uti eruitur in libro recordationum ad m. D. G. et utilitatem conventus S. P. Augustini hujus civitatis Sassari, an. 1737, asservato in Bibliotheca Sarda, monacalem habitum induit, et professione solemni emissa in Hispaniam transivit, ubi et eruditus concionator et in sacra theologia praesentatus evasit. Orihuelae conventualis concionatoris munere functus est ab an 1672 ad an. 1683 et lingua hispanica volumen sermonum exaravit una cum panegyricis, salutationibus aliisque pro anni variis festivitatibus sermonum schematibus. Vitam finivit an. 1696, et eius ms. autographus asservatur in laudata Bibliotheca Sarda sub hoc titulo: Conciones elaboratae et habitae a patre praesentato fr. Thoma Fillol Augustiniano ecc., Vol. I, in 4°.

 

 

Referenze:

Tola D. Pasquale, Dizionario biografico degli uomini illustri di Sardegna, Torino 1838, Vol. II, p. 100