F

 

 

 

Flandino Fr. Ambrosius, Neapolitanus, S. T. D. litteris graecis, latinis, atque hebraicis eruditus, fuit et insignis philosophus, et concionator sui aevi celeberrimus. Ita egregie scripsit de rebus philosophicis, ut merito christianus Plato a quibusdam fuerit appellatus. Primus omnium in Italia Lutheri errores insigni tractatu de Missae sacrificio, aliisque doctis lucubrationibus validissime refutavit, multosque Principes in catholica fide solidavit. An. 1503 magistrum agebat Comitum Placentinorum de Landis; an. 1505 uti provincialis provinciae coloniae interfuit Capitulo generali Perusiae celebrato; an. 1508 Regens erat Studii Bononiensis; an. 1509 studii Florentini, et an. 1514 Provincialis Neapolitanus. Demum an. 1517 die 1 aprilis inauguratus fuit Episcopus Lamocensis in Isauria, et suffraganeus, sive coadiutor Mantuanus. Hanc mortalem vitam finivit Mantuae die 24 septembris 1531 aetatis suae 69. Ita ex Gandolpho in Eremi Sacrae August., Parte I, Ios. Lanteri, p. 105. Quae scripsit Ambrosius ex eodem Gandolpho, pp. 54-55 eccepimus et sunt:

1. De animarum immortalitate contra assertorem mortalitatis, nempe Petrum Pomponatium. Mantuae 1519, die 30 martii in fol. Opus divisum in quatuor libris et Card. Sigismundo Gonzagae dicatum quo viso, antequam imprimeretur, a Pomponatio in sua Apologia Bononiae edita, 1518, lib. 2, cap. 1, scripsit: "Ambrosius Episc. Lamocensis Mantuae suffraganeus, vir divinissimus ac per universum decantatus"; et lib. 3, c. l. eum vocat Praedicatorem celeberrimum.

2. Quadragesimalium Concionum liber (qui Gentilis inscribitur) subinde Rev. Patris ac D. Ambrosii Eremitae, Sacrae Theologiae Doctoris eximii, Episcopique Lamocensis et Suffraganei Mantuani editus, ex Ethnicorum et Christianorum erudimentis collectus. Impr. Venetiis mandato et expensis H H quondam Nobilis Viri Octaviani Sceti ac Patricii Modoetiensis et sociorum. Anno a Nativitate 1523 die martii, in 8°. - Item: Opus concionum aureum, Venetiis, 1523, in 12°.

3. Quod non sit abroganda Missa secundum consuetudinem Romanae Ecclesiae ordinata, quodque translatum sit a Christo in Petrum et Successores eius verum Sacerdotium, et denique quod Missa sit sacrificium, adversus Lutherum Martinum Apologia. Ms. in fol. pulchris charact. in olim nostra Biblioth. Vintimiliana.

4. Ambrosii Parthenopei Sacrarum litterarum professoris de Fato contra Petrum Pomponatium pro Alexandro Aphrodisaeo Apologia. In dedicatoria Clementi VII exprimit, se fuisse apud ipsum Marchionis Mantuae Francisci Gonzagae Legatum. In Epist. ad Pomponatii Auditores, habemus notitiam eius cognominis, nominat enim seipsum Ambrosium Flandinum, et quod scripserit in senectute. Ms. in fol. in eadem olim nostra Vintimilae.

5. De vera et Catholica Fide conflictationes: Quibus artes primo, et doli aspidis surdae et Lutheranorum deteguntur: Demum quasi aeneis tormentis infaustum et infame monstrum novem artibus compactum expugnatur. Opus dicatum Episcopo Veronensi. In fine libri habetur an. 1531. Ms. in fol. ibidem. (Tria haec opera sunt in forma dialogica erudita valde, profundae doctrinae et eloquentiae).

6. Adnotamenta in Platonis Alcibiadem, sive de natura hominis et de voto. Ad Comitem Planellae Iac. Probum. Inc.: "Praecellens tua virtus".

7. Commentaria in Parmenidem, vel de uno omnium principio et de ideis. Ad Federicum Gonzaga March. Buzoli. Inc.: "Si cui ab ineunte aetate".

8. De mundi Genitura, ubi sex dierum opera explanantur. Inc.: "Gestiens ego vermiculus". Contra P. Pomponatium.

9. Commentarius in quatuor dialogos Platonis adversus Georgium Trapezuntium. Ms. in R. Parisiensi. Praemittitur epistola nuncupatoria ad Franciscum I Regem Francorum.

10. Sermones per Adventum usque ad Epiphaniam ad Feder. Gonzagam.

11. Conciones super Salutationem Angelicam et Canticum Mariae. Inc.: "Duo mihi creditores".

12. De Tribus Magdalenis, et unica Magdalena. Et alia. Mantuae ex Pamphilo, p. 10, haec omnia in Bibl. olim nostri coenobii S. Agnetis. 

 

 

Flandino Fr. Ambrosius, (ADDITAMENTA, pag. 75-76) de quo in Vol. II, p. 72 scripsit etiam iuxta Hieron. Tiraboschi, (Stor. della Lett. ital. Modena, 1778, T. VII, part. I, 221) aliud opus quod asservatur in Regia Bibl. Parmensi sub hoc tit.: Examen vanitatis duodecim articulorum Martini Lutheri, opera, prosequitur praedictus Tiraboschi, "di cui il dottissimo P. Paciani in una breve sua ms. dissertazione sopra essa, lodò altamente la profonda dottrina, la molta erudizione, e la forza del raziocinio, con cui è distesa". In eodem autem opere, T. IX, p. 304, laudatus Tiraboschi haec de illo adiungit: "Alcune altre notizie intorno ad Ambrogio Fiandino mi ha cortesemente comunicate il P. Tommaso Palter, Priore del Convento di S. Croce della Congregazione Agostiniana di Lombardia in Casale di Monferrato tratte dalla Storia ms. della Congregazione medesima del P. Fulgenzio Alghisi, che ivi conservasi. Da essa raccogliesi, che Ambrogio essendo già Vescovo Lamocense, e suffraganeo di Mantova l'anno I528, volle ed ottenne di essere aggregato alla suddetta Congregazione nel Capitolo tenuto in Calvatone, terra del Cremonese, e ch'egli quasi per gratitudine formò una bella Libreria nel convento di S. Agnese di Mantova, a cui pure fece dono di tutte le sue opere. In essa ancora si afferma, che il Duca di Mantova Federico Gonzaga inviollo suo ambasciatore a Roma a complimentare il nuovo Pontefice Clemente VII. Nel medesimo convento di S. Croce conservasi un codice ms. del Fiandino col titolo: Tomi textus Parmenidis, et in hunc librum Commentaria digesta et annotationibus, digressionibusque illustrata, ac illustrissimo Federigo Gonzagae Marchioni Bozzoli dicata per Rev.mum S. Theol. Doctorem ac Episcopum Lamocensem et Suffraganeum Mantuanum Ambrosium Parthenopeum; il qual codice per l'eleganza con cui è scritto, per gli ornamenti della legatura e per l'arme Gonzaga aggiuntovi, sembra quel desso che fu dall'autore offerto al suo Mecenate".

 

 

 

Referenze:

Possevinum, T. I, p. 73; Ciaconium, Biblioth., col. 125; Herrera, T. I, pagina 42; Toppi, Bibl. Neap., p. 11; Pamphilum, fol. 109; Ossinger, p. 341; Tiraboschi, Stor. della Lett. Ital., Venezia, 1824, T. VII, part. II, p. 373; Lanteri, Eremi Sacrae Aug., part. I, p. 105, et Postr. Saec. Sex, T. II, p. 22; ac Hurter, Nom. Lit., T. II, (1906) col. 1271-73