de FLORENTIA BENEDICTUS

 

 

 

de Florentia Fr. Benedictus Antonii, floruit saec. XV. Constat ex Regestis Ordinis (Cfr. Analecta August., Vol. VII, p. 196) mense maii, an. 1475, cum esset in S. Theol. Magister, illum mandatum accepisse a Priore Gen. examinandi una cum magistris Sancte et Antonio de Florentia, ut incorporari posset in universitate Pisana ad effectum inibi legendi sententias, Baccalaureum Fr. Laurentium de Florentia in conventu Pisarum de familia constitutum. Dicitur ab Ossinger, pagina 346, vir in omni literatura exercitatus, rhetor, et inter concionatores notissimus. Extat eius opus quadragesimale in cod. 826. (Q. 8, 1) Bibl. Angelicae Urbis, chart. in 4°, ff. 144, saec. XV, binis columnis et manibus; in cuius fine legitur: "Explicit opus Xl.le Scriptum et completum per me fratrem Benedictum Antonii de Flor. anno d.ni 1459 die 21 mensis ianuarii in conventu loci novi. Amen".

 

 

 

Referenze:

Eius meminerunt Herrera, T. I, p. 113; Elssius, p. 121 et Negri, Scritt. Fiorentini, p. 89