de FLORENTIA REMIGIUS

 

 

 

de Florentia Fr. Remigius, ante annum 1341 provide bibliam Parisiis legit; inde provinciae nostrae Tusciae, uti Prior Provincialis, praefuit. Die vero 22 junii 1349 a Clemente VI ad episcopatum Comachii in Romandiola promotus fuit. Octo annis in sede episcopali Comachii permansit, at an. 1357, die 26 aprilis ad Pistoriensem Dioecesim ab Innocentio VI translatus fuit (Cfr. Reg. Avenion. Innocentii VI. Vol. XVII, fol. 224). Filius fuit quondam Bartholomaei et in Ordine nostro S. Paginae Magister. Pistoriensem Ecclesiam ad decem fere annos singulari probitatis vitae exemplo administravit; deinde claustralis recessus percupidus, deposito Episcopali onere, anno 1367 ad cellam remeavit, ubi suavissime vitam traducens, anno 1370 supremum diem clausit. Scripsit: La storia del beato Niccolò da Tolentino / composta per lo frate Pietro da Monte Rubbiano della Marca a. Domini MCCCVI et volgarizzata et chompiuta per frate Remigi da Firenze an. Domini MCCCLVI addì XX di Settembre. Codex chart. Bibliothecae Guarnacci de Vulterra 6191-LVI-6-9. Sala V, ff. 162. 

 

 

 

Referenze:

Ughelli, Italia Sacra, Tom. II, n. 32 et Tom. III, n. 33; Lanteri, Eremi Sacrae Aug., Part. I, p. 73 et 131; P. Denifle, Charthul. Universitatis Paris., Tom. II, pagina 315, 536 et Torelli, Sec. Agostiniani, Tom. VI, p. 21