FRANZA IOANNES

 

 

 

Franza Fr. Ioannes Baptista a Paula, Sacrae Theol. Mag. floruit saec. XVII labente. Legitur de eo in Actis capitulorum generalium, quod ipse, cum esset adhuc Baccal., in illo Romae habito an. 1685, die 20 maii, eloquentem concionem habuerit, qua, erudita facta periphrasi currentis Evangelii super illis potissime verbis: "Vado ad eum qui misit me" eleganti allegoria ostendit, quod quemadmodum Divinum Verbum Aeterni est sapientia Patris, ita divus Fulgentius sanctissimi fuit veraeque sapientiae nostri Protoparentis imago.

Erat tunc etiam Prior Cusentiae. (Cfr. Analecta August., Vol. XII, p. 7). Praedicavit postea diversis aliis in civitatibus, et in cap. generali Bononiae celebrato Prior constitutus fuit conventus de Aquila. Typis mandavit: Fiori soavi o sieno Prediche Panegiriche in onore di alcuni Santi, Messina, presso Vincenzo d'Amico, 1685, in 8°.

 

 

 

Referenze:

Zavarroni, Biblioth. Calabra, pag. 170, et Lanteri, Postr. Saec. Sex. R. A., T. III, p. 394