FULGENIA de GENTILIS

 

 

 

de Fulginia Fr. Gentilis, ab Antonio Ceruti (Prefazione alla scala del Paradiso di S. Giovanni Climaco, volgarizzata, testo di lingua, Bologna, 1874, p. XXXIV) dictus de familia ac conterraneus illius magistri Gentilis de Fulginia, qui celeberrimus philosophus, medicus ac scriptor fuit, quique pestilente morbo die 18 Iunii 1348 Fulginiae occubuit, floruit saec. XIV ineunte. Ordinem Erem. S. Augustini Fr. Gentilis amplexatus, ad illius prosperitatem procurandam totum sese dedit. Addictissimus fuit B. Angelo de Clereno Ord. Minorum, eiusque consiliarus ac in suis rebus adversis solator: perplures litteras ab eo accepit recenter editas a P. Francisco Ehrle S. I., nunc S. R. E. Cardinalis, Die Spiritualen ihr Verhaltniss zun Franciscanerorden und zu den Fraticellen, p. 37 et seq. et a P. Mattioli: Il B. Simone Fidati da Cascia, 1898, p. 65 et seq. inter annos 1312-1335 datas. Amicissimus etiam fuit B. Simoni de Cascia, cuius vestigia tum in eruditione tum in sanctitate praecessit, ac proinde Beatus dictus.

In capitulo Generali nostri Ordinis Viennae an. 1332 celebrato, socius ac secretarius R.mi Guillelmi Amidani de Cremona in suprema Ordinis dignitate electus, multum et consilio et opere ei profuit. Suspicor eum paulo post pie in Domino obiisse: Scripsit ea quae sequuntur:

1. Profetia de mando in centum annis. Parisiis, an. 1300, extat in quodam cod. carth. Biblioth. Nationalis Florentinae.

2. La Scala del Paradiso di S. Giovanni Climaco volgarizzata, testo di Lingua edita e corretta su antichi codici mss. da Antonio Cerutti, dottore dell'Ambrosiana, Bologna, presso Gaetano Romagnoli, 1874, in 8°, pagin. XLIX-1-521. In eius prefatione videri possunt codices et editiones huius operis, praesertim p. XXXV, qua describitur codex 1351 membr. et palimpsestus, saec. XV, in cuius primo fol. legitur: "El soprascripto frate translatore o vero volgarizzatore di questo libro si fu el Beato frate Gentile da Fulegno de l'ordine de Frati romiti di santo Agostino". (Cfr. etiam Proctor n. 7240; Copinger, n. 468 et Hain-Copinger, n. 3467, 5460 Mss. reperiuntur in omnibus fere Bibliothecis, praesertim in Florentinis.)

3. Nonnullae epistolae.