GALLUCCI FULGENTIUS

 

 

 

Gallucci Fr. Fulgentius de Monte Georgio, Picenus, an. 1604 erat Firmi studiorum Regens, ac deinde lauream magistralem adeptus, evasit Marchiae Anconitanae Provincialis an. 1613, et Prior S. Augustini de Urbe ab an. 1616 usque ad 1620, quo in comitiis generalibus, ibidem habitis die 6 iunii, universo Ordini unanimi Patrum concessione praefectus fuit. Eodem tempore Angelicae Bibliothecae praefecturam dimisit, quam primus omnium consensu an. 1614 obtinuerat. Dicitur ab Elssio contemporaneo "vir humanissimus, doctissimus, Ordinis zelator egregius, et concionator celebris, qui disciplinae monasticae restituendae animum serio applicuit". An. 1623 die 8 martii a Gregorio XV electus fuit Sacrarii Apostolici Praefectus, et die 10 maii eiusdem anni episcopali Tagastensis Ecclesiae infula insignitus, retinens interea praefati Pontifìcis iussu Generalatus officium, magna enim pollebat agendi dexteritate. Ab Urbano VIII die 12 martii 1624 Bovianensis Ecclesiae (in Aprutio) mitram accepit. Itaque Generalatui et Sacrarii Apostolici praefecturae renuntians in suam dioecesim se contulit, ubi forma gregis factus, potens opere et sermone per octo fere annos plura successoribus suis providi pastoris exempla exhibuit. Patriam, suosque consanguineos invisendi amore captus, Montem Georgium rediit, ibique post paucos menses, die scilicet 9 novembris 1632 sexagenario maior ex ac vita migravit, illi nostro coenobio reliquens cum aliis bonis suam quoque bibliothecam, praeclaris mss. refertam, quae a suo nomine fuit nuncupata, quaeque tempore gallicae adnexionis espoliata et in Galliam axportata fuit. Ita ferme Lanteri, Eremi Sacrae August., Part. I, p. 43. Eius opera sunt:

1. Breve Discorso delle grandezze et eccellenze della S. Casa di Loreto del R. P. Reg. Fr. Fulgenzo Gallucci. Accademico Disuguale detto l'imperfetto, mandato in luce ad istanza del Sig. Leonardo Zanobi di Recanati. In Recanati, 1608, appresso Ant. Braida, in 4a.

2. Fr. Aegidii Columnae Romani ... in tertium librum Sententiarum eruditissima Commentaria cum Quaestionibus, quae postquam trecentis circiter annis in insignibus Bibliothecis Vaticana et Angelica Romae ac Carbonaria Neapoli manuscripta delituere, tandem studio, labore atque industria Rev.mi P. Fulgentii Galluccij Georginatis, Doctoris Theologi, eiusdem Ord. Eremitarum S. Augustini Prioris Generalis, Apostolici Sacrarii Praefecti, Episcopi Tagastensis, e tenebris eruta, nunc primum typis deprompta fuere. Gemino cum elenco etc. Accesserunt quoq. Resolutiones in fronte cuiuslibet Articuli, Annotationes marginales, Scolia, Citationes Doctorum, et quod praecipuum est Supplementum totius Operis, quod Desiderabatur a Distinctione 12 usque ad 40 ex variis eiusdem Authoris editis libris excerptum etc. Romae, ex typ. Alex. Zannetti, 1623, in fol., pp. 644, a p. 1 ad p. 469, col. Ia, opus Aegidii continetur, reliquis opus Fulgentii Gallucci. Praeficitur dedica Card. Ludovico Ludovici.

3. Eiusdem Fr. Fulgentii Galluccii Res in Ordine gestae, in tribus voluminibus Dd. 62 et seqq. in fol. in Archivio Ordinis asservatae.

4. Constitutiones sinodales ecclesia bovianensis editae ab admodum Ill.ri ac R.mo D. D. Episcopo Fulgentio Galluccio, Ord. Erem. S. Augustini, ex Generali in diocesana sinodo anni 1629, in civitate Boiani celebrata. Asservantur Romae in bibl. Angelica, cod. 331 (C. 7. 33.) inter ff. 35-106.

 

 

 

Referenze:

Analecta August., Vol. X, pp. 316-325 in quibus reperies Acta Capituli Generalis Romae an. 1620 celebrati, et pp. 423-424, ubi habentur eius Epistolae, quibus convocantur PP. ad Urbem pro anno Iubilei ut novus Praesul eligantur; Herrera, T. I, p 243; Chronhistoriam inter Angeli Rocca opera, T. I, p. 357; Moroni, Dizionario di erud. stor. Eccl., Vol. 60, p. 188; Vecchietti, Bibl. Picena, T. IV, p. 270