GELSOMINI ANDREAS

 

 

 

Gelsomini Fr. Andreas de Cortona, vir valde doctus atque insignis verbi Dei praeco, ortum habuit an. 1579. Augustinianum Ordinem ingressus, multa dedit virtutum specimina, atque an. 1614, iam S. Theol. Bacc., erat publicus Philosophiae in Athenaeo Perusino professor. Electus provinciae Umbriae discretus, hoc eodem an. 1614 interfuit Romae capitulo generali, in quo constitutus fuit Regens studii Ariminensis. Item evenit anno 1620, quo erat Mag. Regens nostri studii Patavini, interveniendo capitulo generali Romano hoc anno celebrato uti discretus provinciae Venetiarum seu Marchiae Tarvisinae, in eoque missus fuit Mag. Reg. Neapolim. An. 1625 in cap. gen. extitit electus Ordini Proc. Generalis, sed paulo post, die scilicet 9 iunii eiusdem an. ab Urbano VIII Asculi Apuli Episcopus inauguratus fuit. Vixit in Episcopatu quatuor tantum integros annos, pieque, ut vixerat, vir longiori vita dignus, obdormivit in Domino an. 1629 aetatis suae 50 in festo Immaculatae Conceptionis Virg. Mariae. Sequentia ab eo relicta fuere:

1. Questio de divinis attributis. Per Fratrem Andream Cortonensem Augustinianum. Sacrae Theologiae lectorem, et Perusiae publicum Philosophiae interpretem enucleata. Asservatur ms, in cod. 232, ff. 1-33, in 4°. Bibl. Angelicae Urbis ex bibl. F. Io. Iac. Gigli Ord. S. Aug. Florentiae Regentis.

2. Tesoro celeste della divozione di Maria Vergine Madre di Dio. Padova, 1618, in 12° et Venezia, Tip. Guerrigli, 1625, in 4°, p. 342. In isto thesauro auctoritate atque exemplis SS. Patrum, quanta sit utilitatis, tum in vita, tum in obitu, tum etiam post obitum, devotio Sanctissimae Virgini demonstratur, nec non in quo hujusmodi devotionis Summa sit sita.

3. Origine celeste, virtù e grazie del pane benedetto di S. Nicola da Tolentino dell'Ord. di S. Agostino. Macerata, 1642. in 12°; Padova, Typ. Tozzi, 1619, in 12°; Viterbo, 1619, in 12°.

4. Vota quaedam Congregationi Indicis exhibita a Mag. Andrea de Cortona. Sunt in cod. misc. 195, inter ff. 290-321, Bibl. Angelicae.

5. Disputatio de Sanctissima Trinitate. Perusiae, ex Typogr. Augusta Perusiae, 1614, in 4°.

6. De providentia, praedestinatione et Trinitate. Perusiae, apud Marcum Nacarinum, 1614, in 4°.

7. De Veritatibus theologicis disputatio. Neapoli, apud Io. D.cum Roncaliolum, 1607, in 4°. 

 

 

 

Referenze:

Herrera, T. I, p. 48; Ughellus, T. VIII, col. 236; Leo Allatius in Apibus Urbanis edit., Hamburgi, 1711, p. 37; Ossinger, p. 391; Maraccius, in Bibl. Mariana, Vol. I, p. 87; Lanteri, Eremi Sacrae Aug., Part. I, p. 33