de GENESTANO MARIANUS ALTER

 

 

 

de Genestano Fr. Marianus alter, cum praecedentibus forsam consanguineitate coniunctus, in patrio S. Mariae a Bono Consilio coenobio Augustinianam cucullam sumpit, suumque tyrocinium ibidem an. 1504 perfecit. Magistros habuit virtutibus atque doctrina refertos, ac inter alios Mag. Angelum de Genestano virum doctrina, morum sanctitate et magna auctoritate praeditum. Magna cum laude sub iis praeceptoribus sua studia complevit atque S. Theologiae Magisterium est adeptus. Docuit in variis conventibus Ordinis iuventutem, pluries conventus patrii evasit Prior, bis suae Provinciae clavum tenuit, atque an. 1549, sexagenarius maior decessit in Domino. Reperitur in Bibl. Com. Perusina sub sign. I, 53 quaedam Miscell. Philosophica eiusdem Mariani de Genestano, quae ita a Mazzatinti in suis Catalogis, Vol. V, p. 172 describitur, nempe: Definizioni filosofiche (fol. 1-51); Notabilia logicalia (f. 62-79); altre definizioni e distinzioni (fol. 85-166); e un trattatello di logica che com. a die ultima Iunii 1555 (Fol. 1-23). Cod. chart. saec. XVI, in fol.

 

 

 

Referenze:

Perini, Un Emulo di Fra Girolamo Savonarola, etc., iam cit., p. 9-10 in nota