GHETTI ANDREAS

 

 

 

Ghetti Fr. Andreas, Volaterranus, S. Theol. Mag. ortum habuit in oppido v. Montecatini Val di Cecina, saec. XVI ineunte. An. 1526, immediate post capitulum gener. Tarvisinum, a Gen. Gabriele Veneto S. Theol. Bacc. renuntiatur; an. 1538, iam laurea magistrali decoratus, Provinciae Senarum provincialis eligitur. Interfuit postea an. 1543, tamquam Defìnitor suae provinciae capitulo gener. Romano; in capitulo gener. Recineti, an. 1547 celebrato constitutus fuit pro secundo biennio Provincialis Prov. Pisarum, et in quadragesima an. 1551, qua celebrata fuerunt comitia generalia Bononiae, praedicavit inibi in ecclesia S. Petronii, innumerabili populo adstante. An. 1564 ut Definitor Provinciae Pisanae interfuit quoque Capitulo gener. Mediolanensi. Obiit in conventu Volaterrano die 12 iunii an. 1599, prope centenarius. Fuit magnus praedicator et fere omnes civitates Italiae illum magno cum fructu audierunt. Accusatus fuit de haeresi, sed innocens inventus, an. 1563, sequutus est Card. Seripandum usque Tridentum, ibique coram patribus Sanctae Synodus die 19 augusti concionatus est magno cum applausu. Edidit:

1. Trattato utile, sive: Se per grazia o per merito l'uomo acquista quel che Dio gli dà in questo mondo di bene e, se per i medesimi meriti o grazia, s'acquista vita eterna, oratio. In Firenze Stamperia Giunta, 1544, et iterum cura et studio Marii Battistini, Firenze, Libreria Ed. Fiorentina, 1928, in 16°.

2. Discorso sopra la cura e diligenza che debbono avere i padri e le madri verso i loro figliuoli, sì nella civiltà come nella pietà cristiana. In Bologna, Tip. Alessandro Benacci; et iterum una cum praecedenti tractatu. Ambabus opellis praemittitur vita Magistri Andreae a Battistini exarata quae est valde accurata. Sequuntur in Appendice nunnullae auctoris epistolae.