GHIGIOTTI ATHANASIUS

 

 

 

Ghigiotti Fr. Athanasius, Fullonicensis, S. Theol. Mag. quem Torelli, Secoli Agost., T. VIII, p. 422 Marcucci nominat, vixit saec. XVI et ab Ossinger, p. 398 dicitur: vir magna prudentia, regendi dexteritate, et vitae integritate illustris. Bis fuit Vicarius Generalis congregationis Ilicetanae, septies Iliceti Prior, ad quae officia electus fuit propter admirabilem zelum et veram disciplinam regularem, eiusque observantiam semper conservandi. An. 1594 viam universae carnis ingressus est. Incepit: Secundum memoriale aedis Ilicetanae. 

 

 

 

Referenze:

Herrera, T. I, p. 62 et Elssius, p. 86