GHIRELLI FABRITIUS

 

 

 

Ghirelli Fr. Fabritius, natus Romae die 17 Oct. 1831, adhuc puer an. 1846, in S. Augustini de Urbe coenobio educandus suscipitur. Ivit anno insequenti Tolentinum ut novitiatum ageret, quo perfecto et ad vota monastica admissus, Romam rediit, ut studia optimo fruge iam incepta, prosequeretur, ea laudabiliter perficiens Recineti, Bononiae et Perusiae, ubi, anno 1855, Lector renuntiatus fuit. Docuit inde ceu Respondens, Baccalaureus, et Pro-Regens Brachiani, Viterbii et Corneti Tarquiniae. Optima retulit puncta in examine collegii et Regentiae die 4 februarii 1860, Romae coram novem examinatoribus peracto, atque die 4 maii 1865, ab adm. Rev. P. Mag. Ex-Assistente Generali Hippolyto Catalucci magistralia insignia recepit.

Priorem postea egit Corneti, Asculae, Recineti et Bononiae, laudabilem semper vitam agens sacerdotalem, fideles Christi semper docens verbo et exemplo, tandem in civitate Sancti Miniati in Tuscia, ad quam a pluribus annis sese receperat valetudinis causa, diris morbis fractus, die 8 aprilis 1914, pie obiit. Reliquit: Brevi parole indirizzate all'amatissima sua sorella Irene quando nel dì 29 Sett. 1860 disposavasi al Signore fra le mura claustrali di S. Pudenziana in Roma, Roma, Tip. Monaldi, 1860.

 

 

 

Referenze:

Analecta Aug., Vol. V, p. 357.