GIGLI FELIX

 

 

 

Gigli Fr. Felix, S. Theol. Mag., in diebus religiosae vitae suae habitus est in laudibus. Modestus maxime atque pacificus maluit potius prodesse quam praeesse, quum studiorum Magisterium, Neapolitanae Provinciae, suique conventus Firmani regimen, ac deinceps per decennium totius Augustinianae familiae Procurationem non nisi ex obedientia susceperit, fideliterque prosecutus fuerit. Ortum habuit in oppido Cantalicii in Sabinis et in compluribus Italiae cathedralibus cum plausu tempore quadragesimali est concionatus, fuitque in Mathelicensi Seminario utriusque Theologiae professor. Penes Ven. Monasterium S. Ritae Cassiae apoplexia percussus die 7 augusti 1877, annos natus 68 ad aeternam vitam evolavit. Mss. reliquit quadragesimales conciones, et suae Procurationis Regesta, quae pariter ms. asservantur in archivo Ordinis. 

 

 

 

Referenze:

Lanteri, Eremi Sacrae August.,. Part. II, p. 239, et Litteras circulares Generalis Belluomini ex Urbe datas die 9 augusti 1877