GIOVANNETTI NICOLAUS

 

 

 

Giovannetti Fr. Nicolaus, de S. Angelo in Picenis, coenobii Cameranensis alumnus, S. Theol. Mag., an. 1592 Prior constituitur conventus Firmani; an. 1601 studiorum Regens Papiae; an. 1602 ut Provinciae Marchiae Anconitanae Definitor interfuit capitulo gen. Recineti habito, in quo ab illustri Urbis Magistratu commendatus, electus evasit Assistens Italiae, "ex qua electione, ut habetur in Actis, omnes et singuli et tota civitas una cum illustrissimo Praesidente inestimabile susceperunt gaudium". Sexennio sui officii expleto et in eo a Mag. Petro Ariminensi suffectus, facultatem obtinuit in obsequio manendi nostratis Card. Petrochini; ast in comitiis gen. Romae celebratis die 17 maii 1614 ille "omnium applausu et letitia electus fuit in Priorem Generalem, qui vitae consilia ad exactissimam prudentiae normam dirigere, omnesque suas actiones verae virtutis, perfectique officii oratione metiri semper usus fuit". Sategit dein omnibus viribus, ait Herrera, T. I, p. 189, sui generalatus officio satisfacere, pro restauratione disciplinae salutaria decreta edidit, eaque sub poenis, ac censuris gravissimis observari iussit, nec omnino in earumdem executione remissus fuit. Inculpata enim illius vita, nulla in homine ambitio, sincera intentio, bona consilia, constans sententia, longa experientia, et singularis illius pietas satis actione omnes illius sustinebant, aliorum vitia retardabant, ac virtutes excitabant".

Praefuit Ordini integro sexennio, quo Religionem multo cum zelo visitavit. Mortalis vitae cursum complevit Camerini an. 1623. Ex eius studio habentur:

1. Directorium Studiorum. Romae, 1615, vol. 1, in 4°.

2. Eius Epistolarum et Decretorum Regesta, asservata in Archivo Ordinis, Dd. 58 et seq. 

 

 

 

Referenze:

Elssius, p. 502; Attardi, p. 293; Lanteri, Eremi Sacrae Aug., Part. I, p. 313, et Analecta Aug., Vol. X, p. 292, 309-315