G

 

 

 

Guerri Fr. Bindus, Senensis, S. Theol. professor, filius coenobii S. Antonii de nemore ad Ambrosianos, cuius circa an. 1383, extitit Prior, an. 1385 opus magni momenti explevit, quo Eremiticam familiam magno doctrinae splendore sua aetate illustravit. An. 1390 erat Vicarius Generalis Senarum, et die 17 octobris eiusdem anni iam spiritum restituerat Creatori suo. Ex eius ingenio habentur:

1. Distinctiones sive concordantiae hystoriales Veteris et Novi Testamenti, applicabiles ad omnem materiam predicandi edite a Reverendo fratre Bydone (sic) de Senis Ordinis heremitarum S. Augustini. Inc.: "Abstinentia est meriti augmentativa...". Expl.: "et sic est finis huius operis. Expliciunt distinctiones sive concordantie...". Parisis in Bibl. v. de l'Arsenal in cod. 537 (591 B. T. L.), saec. XV, ff. 1-69, ex biblioth. conventus S. P. Augustini Parisiensis. Huic fere similis est codex 135 Bibl. publicae Burdigalae (v. de Bordeaux), perg. saec. XV fuse descriptus a M. Hauréau in ephemeride Journal des savants, 1883, pagina 637, ubi plura eiusdem operis manuscripta etiam indigitavit. Peculari mentione digni sunt: cod. II, X, 37 Bibl. Nationalis Florentinae per fratrem Christophorum de Vulterris exaratum; cod. 3272 Biblioth. Regiae Parisiensis ita inscriptus: Fratris Bernardini (ita dictus et etiam Bernardus de Senis in pluribus mss., forte quod Amanuenses Bindus contrauctum Bernardinus et Bernardus putaverint) de Senis ord. herem. S. Augustini. Distinctiones exemplorum V. et N. Testam. ad usum, ut videtur, Praedicatorum ordine alphabetico dispositae, et cod. 3494 eiusdem bibliothecae, ambo an. 1386 transcripti, in quorum calce habetur opus compositum fuisse ad postulationem Fratris Simonis Petri Ord. B. Mariae de Monte Carmelo. Romae in Biblioth. Angelica praedictae distinctiones asservantur in cod. 684 (Q. 4, 5) membr., iuxta Henr. Narduccium (Catalogus Codicum Mss. Bibl. Angelicae, p. 292), saec. XIV, ff. 112, binis coll.; et in Biblioth. Vaticana, cod. 683 Vat. Palat. Lat., in 4°, saec. XV, ff. 261, sed hoc opus continetur inter ff. 1-121, dum inter 121-213v. habetur eiusdem auctoris:

2. De iis cum quibus Sacra scriptura docet non esse contendendum tractatus brevis inscriptus: Contendendum non est cum sex generibus hominum, qui inc.: "1° non est contendendum cum verboso garriente". Item inter ff. 213-215.

3. Commentum de quatuor virtutibus cardinalibus, quod reperitur etiam in cod. II, X, 37, membr. saec. XV, in 8°, Bibl. Nationalis Florentinae, immediate post praenotatas Distinctiones, sicut post easdem in codice Bibl. Caesareae Viennensis contentas, asservatur etiam eiusdem Bindi, prout nos putamus.

4. Concordantiae Bibliae per 5 libros distinctae. Codex iste Viennensis erat Academicus, chart. et in fol. Descriptus fuit in catalogo eiusdem bibliothecae, et inscribitur: Fr. Bernardi de Senis Ordinis Heremitarum S. Augustini Capitula super Distinctiones Exemplorum V. et N. Testam.; itemque Concordantiae Bibliae per 5 libros distinctae. Distinctiones mss. asservabantur quoque in Bibl. ad S. Emeramum; Senis in nostra Ilicetana; Mediolani in nostra ad Sanc. Marcum; Neapoli pariter in nostra ad Sanc. Ioannem de Carbonaria, et Dresdae in 141 capitula distinctae. In descriptione hujus codicis Gotze (Morkoirdigkaiton. P. 2, p. 521) lapsus est dum in notis ait Bindum floruisse an. 1300, et Ordinis Minorum fuisse. Distinctiones memoratae typis datae fuerunt: Memmingen, Albertus Kunne, 1485, in 4°, (Cfr. Hain n. 6281), et Venetiis, 1556, falso tributae Hugoni Cardinalis (Cfr. Quetif, I, 426; Knopfler, k. L. IX, 319 S., et Hurter, Nomencl. Lit. (1906), T. II, columna 412).

5. Sermones septem i. e. de confessione, de caritate, de B. Maria Virgine (duo), de virginibus, de S. Katherina et de S. Nicolao, qui extant in praefato codice Vat. Palat. Lat. 683 inter ff. 215-261. Alii Sermones eiusdem, extant Parisiis in cod. 3298 Bibl. Regiae et alii Adventuales, Quadragesimales et de Sanctis, sed sub nomine fratris Bindi di Schelmj, Senensis, ordinis fratrum heremitarum Sancti Augustini, asservantur Venetiis in Bibl. Marciana, Cod. It., I, 6, prov. Farsetti, nunc sub n. 5015, chart. in 4°, saeculo XV, ff. 210 in principio mutilo, italica lingua exarato. Insuper quaedam Canzona morale di Roma, quae inc.: "Quella virtù che il terzo cielo infonde" relata a Lamio, in Catal. codd. mss. bibliothecae Riccardianae, p. 72, saec. XV, affert pro auctore quemdam "Bindo di Cione del frate da Siena". Hinc quaerendum: sunt isti tres Bindi una eademque persona? Quamvis Laur Bandini in Catal. codd. mss. Bibl. Laurentianae, Flor. 1778, col. 538, dicat hunc postremum Bindum forte vixisse saec. XV ineunte, et secundus Bindus in cod. ms. Marciano dicatur de familia Schelmi, quae certe diversa a familia Guerri videatur; tamen mihi videtur hic agi de una eademque persona, nempe de Bindo fil. Cionis Guerri de Schelmi, in Registris Ordinis Bindus de S. Antonio Senensis etiam dictus. Quomodocumque sit animodverti oportet, quod in codice Marciano Sermones expliciunt f. 151 b. et extemplo inc.:

6. Contemplatio devotissima Dominicae passionis.

7. Versus de Mariis et quaedam alia adespota ritmice exarata. 

 

 

 

Referenze:

C. Frati et A. Segarizzi, in Catal. codd. mss. Ital., Modena, 1909, T. I, pagina 108-9, nec non Gandolphus, p. 103, Ossinger, p. 135; Lanteri, Postr. Saec. Sex R. A., T. I, p. 262, et Schier, in Cod. Angelico, 353, p. 232