JOANNES DE IMOLA

 

 

 

de Imola Fr. Ioannes Antonius a Milensio in Alphabeto celebratur. Extat in Ratisponensi coenobio eius opusculum de attributis, Ioanni Erfordiensi, Canonico Cerinensi dicatum. Forte hic est M. Ioannes de Imola, quem reelectum Provincialem Provinciae Romandiolae Prior Generalis die 4 iulii anno 1387 sua confirmatione stabilivit, vel potius Mag. Ioannes Antonius Imolensis, qui in Registris an. 1452 die 26 martii datur primo loco Praeses Capituli Romandiolae; an. 1456 die 30 maii eidem provinciae praeficitur, et an. 1463 die 30 novembris Regens Romanus constituitur. Ita Herrera, T. I, p. 465. Ex eius ingenio, praeter memoratum opusculum, sequentia etiam extant:

1. Mag. Ioannis de Imola, eremitae, artium et theologiae doctoris, quaestio: utrum scientia civilis, vel canonica sit nobilior medicinalis. Cod. 118, classis X, Bibl. S. Marci Venetiarum, saec. XV, inter ff. 79-82. Inc.: "Et videtur quod sic: illa scientia est nobilior alia quae facit hominem magis honorabilem".

2. In libros posteriorum analyticorum Aristotelis quaestiones, quae ab auctore dicantur "nobili ac ornatissimo iuveni Francisco Feraldo Imolensi". Extat Imolae in Biblioth. Communali, cod. 43, ff. 137, saec. XV, chart. in fol., charact. rotundis, Inc.: "Universalium utillime ac subtilissime questiones clarissimi angelici artium et sacre pagine doctoris Magistri Iohannis antonii de Imola, Religiosi integerrimi ordinis heremitarum sancti Augustini". Des.: "Epliciunt subtilissime in universalibus questiones edite per virum egregium ac profundissimum artium ac sacre theologie preceptorem magistrum ... quas ego Franciscus Feraldus celerrime scripsi, 1459". Sequitur index. 

 

 

 

Referenze:

Galli Romeo, I manoscritti e gli Incunabuli della Bibl. Com. d'Imola. Imola, Galeati, 1894, p. LX, cod. 43