JOANNES A S. IACOBO

 

 

 

Ioannes a S. Iacobo Maiore Panormitanus, Congregationis Augustinianorum Discalc. Italiae, cui nomen dedit anno 1614 ac solemnem emisit professionem 1615. Multis Ordinis muneribus adauctus claruit. Iuniores professos instituit, ac cum anno 1624 sese obtulisset, ut peste affectis inserviret Panormi, et facultatem a Provinciale enixe postulasset, is licentiam denegavit, ne professorum curam deponeret; attamen peste percussus, Deiparae Virginis et D. Rosoliae intercessione convaluit. Praefuit utrique coenobio Panormitano nec non Messanensi et Romano. Generalem Defìnitorem an. 1628 egit, ac Provinciam Panormitanam rexit. Adhuc vivebat an. 1636 dum esset Prior coenobii Romani. Ab eo extant:

1. Diarium Ordinis Excalceatorum S. Augustini. Servabatur ms. in Archivo Romano suae Congregationis uti testatur Fr. Ioannes Bartholomaeus a S. Claudia in Lustris histor., Lust. 5.

2. Manuale Domesticum Ord. Excalceat. S. Augustini, ms. Ibidem.

3. Index universalis professorum ord. excalceat. S. Augustini, ms.

4. Cathalogus universalis defunctorum eiusdem ordinis, ms.

5. Fratrilogium, ms. 

 

 

 

Referenze:

Mongitore, Biblioth. Sicula, in Appendice, vol. II, p. 23; Ossinger, p. 459 et Tani, Commentario cit., p. 107